عزيز النفس

الردي النباح بالحقران يهان

والمهابة لذيبن بطيبه يعوي

ماهو كل ساكت تظن انه جبان

كم سكوتٍ باخره تسمع دوي

بس صحيح ان قيل حكمة هالزمان

لجل عينن تسقى مدن وترتوي

مايضيق الحر لو ضاق المكان

والفضا ملكه وكل نجمٍ خوي

ولايعرف الخوف من عالحق بان

ولاخلق له الله ذراعن ينلوي

كل عزيز النفس مايرضى الطمان

ولو على جسمه بياضٍ ينطوي

تكسب بطيبك مع الطيب ضمان

وان رفعت بطيبك الدون يهوي