تشرح الروح?

الله على اللي شوفته تشرح الروح

وبشوفته همي على طول راحي

مملوح غطى بالحلا كل مملوح

وما زان قبله داخل العين طاحي

الشاهد الله بأ ريش العين مطروح

والشوق باسمه لاح بالعشق لاحي

لاحي وشيد له وسط روحي صروح

حبٍ على وضح النقا والصراحي

يحشمه عن بابٍ على الريح مفتوح

من الضما يسقيه صافي القراحي

لاخطا عليا متلف الروح مسموح

واسامحه لو كان ماله سماحي

يفداه قلبٍ عقب النوح بالنوح

يبي الصلاح ولا حصله صلاحي

ضيق علي الدرب من وين ما روح

لامسا مسى خيره ولا أسعد صباحي

جزا بظلام الصمت عن صادق البوح

والصمت ما به للولايف فلاحي

يقطع رجا من بالوصل شيد طموح

وكم عاشقٍ من صمت ليلاه ناحي

بين الشقا والشوق وآهات وجروح

ضايع ولا له بالأماني كفاحي

قد قيل ما باصد ناصح ومنصوح

يبدل أفراح العمر بالجراحي

وأنا دخيل اللي خلق آدم ونوح

لا يبخل بفرحي معه وارتياحي

إما يجيني ويجمع الروح بالروح

ولا يتجمل بي ويطلق سراحي