دلال الشوق
حل الفراق وفاحت دلال الشوق بنص عاطفي رائع كروعة حضور شاعر هذا النص واحاسيسه بن سعيّد يصافحكم بكل حب ومودة
فاحت دلال الشوق فوق المعاليق
وجمر المحبه صار يحرق جسدها
حل الفراق وصار لصدر تشهيق
ويلي حياتي قام يدرج عددها
الشوق مايرحم قلوب العواشيق
كم ليلةٍ راحت يقاضي نكدها
حامت بيوت الشعر بالفكر تحليق
وضاعت بنات الفكر يومٍ نشدها
عقبك ترى شعري يفوق الصناديق
يرثي هموم القلب لامن سردها
وعقبك عيوني ما تشوف المخاليق
حسبي عليك ان كان ناوي رمدها
سلام يوم الشوق جر الطواريق
كثر الغيوم اللي اتسابق رعدها
اشتاقلك شوق الرجال المطاليق
اللي على الفزعات ثابت عمدها
القلب مايصبر على الهم والضيق
تلعب به الدنيا على كف يدها
ياصاحبي بيني وبينك مواثيق
ماتنّسي وشلون مثلك جحدها !
عهد المحبه كان للروح توثيق
طول العمر يبقى دوافع سندها
حزني على فرقاك للروح ماليق
يدفع سواقي دمعتي ويحصدها
ويا قلب دام الصد من دون تعليق
دنيا المفارق عزتي تعتمدها
خله يروح ان كان خان المواثيق
وعيش الحياه وعزتك وش بعدها
هذي هي الدنيا حظوظ وتوافيق
ويابخت منهو عايشٍ في سعدها
| شعر: عبدالرحمن عايد بن سعيّد |
فاحت دلال الشوق فوق المعاليق
وجمر المحبه صار يحرق جسدها
حل الفراق وصار لصدر تشهيق
ويلي حياتي قام يدرج عددها
الشوق مايرحم قلوب العواشيق
كم ليلةٍ راحت يقاضي نكدها
حامت بيوت الشعر بالفكر تحليق
وضاعت بنات الفكر يومٍ نشدها
عقبك ترى شعري يفوق الصناديق
يرثي هموم القلب لامن سردها
وعقبك عيوني ما تشوف المخاليق
حسبي عليك ان كان ناوي رمدها
سلام يوم الشوق جر الطواريق
كثر الغيوم اللي اتسابق رعدها
اشتاقلك شوق الرجال المطاليق
اللي على الفزعات ثابت عمدها
القلب مايصبر على الهم والضيق
تلعب به الدنيا على كف يدها
ياصاحبي بيني وبينك مواثيق
ماتنّسي وشلون مثلك جحدها !
عهد المحبه كان للروح توثيق
طول العمر يبقى دوافع سندها
حزني على فرقاك للروح ماليق
يدفع سواقي دمعتي ويحصدها
ويا قلب دام الصد من دون تعليق
دنيا المفارق عزتي تعتمدها
خله يروح ان كان خان المواثيق
وعيش الحياه وعزتك وش بعدها
هذي هي الدنيا حظوظ وتوافيق
ويابخت منهو عايشٍ في سعدها
| شعر: عبدالرحمن عايد بن سعيّد |
