هي الدنيا

بهذا النص يصف شاعرنا محمد دغيم تغيّر الموازين في الدنيا من حال الى حال وهذي سنة الحياة

ماهي غريبه بانقلاب الموازين

ولاشي دايم غير رب الجلالي

هذي هي الدنيا من أول وللحين

متقلبه بصروفها والليالي

وان دامت لغيرك فلا اتجيك بعدين

وأنت اغتنمها كان جالك مجالي

ان جاتلك بتشوف ربعك كثيرين

وليا انتهت كنك من الربع خالي

طبع البشر ثابت له اسنين وسنين

لكنّ يبقى طيب العرف غالي

والناس مقسومه على العرف قسمين

فيهم عدولك وفيهم موالي

صوادف الأيام والعسر واللين

تكشف وتشهد بالمواقف رجالي

ارجع لتاريخ العرب والقديمين

تكرار بالتاريخ بأول وتالي

أخذ العبر واحذر من الزين والشين

والهينه ماهي على كل حالي

والحق ثابت ثبته حافظ الدين

سبحانه المعبود رب الجلالي

وصلاة ربي عد كل الملبين

على شفيع الناس يوم الزوالي