صوت وصدى
هذه المساجلة بين الشاعرين مشاري بن فالح والشاعر عطية الكوح حيث يبدأ مشاري بهذه القصيدة الجميلة مخاطباً الكوح
كثر الله خير الأيام ربّني
| شعر : مشاري فالح البدري |
ياعطيّه هموم الوقت صابنّي
ضاق صدر الشمال وشانت احوالي
الامل والفرح ماهن على ظنّي
كان رجلي معوّدها على العالي
كم نطحت الليال اللي يحدنّي
لو تميل الدروب اميّل اعقالي
طحت واقف وضاحك للملا سني
ميتٍ ماوضح للناس غربالي
المصايب تهبّ ولا يهزّني
ما تهز الرياح بصوتها اجبالي
والصعايب مع الصدمات شدنّي
مارتخي للزمن لو قطّع احبالي
كثّر اللهْ خير الأيام ربنّي
اشرب المرّ لكن حالي افعالي
كلّ شيبات راسي لو يعننّي
من تصاريف وقتٍ ن ماتهيالي
من قديم الزمن لليوم يبلنّي
كلّ شيبه لها قصّه وتفصالي
لكن اللي شغل فكري و جننّي
غدر من هو تحسْبهْ صاحب اموالي
قبلها ما حسبت ولا يهمنّي
ولاعليّه من اهل القيل والقالي
خلقتي والجزايل دوم يوحنّي
من ابوي اكتسبت الطيب والخالي
فوق ضلع المراجل دايم اغنّي
يزعج اللي تردّى لحن موالي
ما شكيت الجروح اللي يحرقنّي
والله اني ادوس الجرح لو طالي
بيّح الله سدود اللي يبيحنّي
واكشفت لك خفايا قلب به صالي
ياعطا لاتحسب القاف من فنّي
لكن الهم كافر دوم يبرالي
ترْجَمتْ مابجوفي من صغر سنّي
لين ضاعت ملامح حلم الاطفالي
تدري اني حزين ودايم آونّي
سكّر ابواب وجدك .. ريّح البالي
وإليكم هذا الرد الجزل من الشاعر المبدع عطيه الكوح في هذا النص المليء بالشعر والجزاله
للحمول الثقال منوخ اجمالي
| شعر:عطيه الكوح |
يا هجوسي عساك بخير طمني
لا تخيب رجاي وتقصر امالي
هات مزن القوافي لين يروني
واعطني من رصيدي ما تبقى لي
يا عسى بروق مزنك ما يغشّني
وارتوي من ظماي نظاف واجزالي
جاك صوت الشمال العذب متعني
صوت غالي علي وصاحبه غالي
والله اني سئمت الشعر لكنّي
للحمول الثقال منوخ جمالي
يوم صدرالشمالي ضاق به كني
طحت من فوق راس الشامخ العالي
يا الاهي من الزلات تامنّي
عند راعي الوفا باقفاي واقبالي
لو تمكنت ما غيرك يمكني
يوم ازم الحمول اخفاف وثقالي
يا عظيم الثنا والفضلِ والمنّي
أعفني من خطاي وشر عذالي
با بن فالح تراني غير متوني
لو تشين الظروف ويقصر ظلالي
هات حملك واشيله عنك وعني
لين ترسي سفينتنا على الجالي
لين عوج الليالي يسفهلنّي
كل عقده لها يالقرم حلالي
ما عشقت الرقاد ونمت متهني
كيف تسهر وحلو النوم يهنا لي
والوفا يا صديقي منك ومني
راس مالي مع حلي وترحالي
الزمن يا مشاري كنه وكني
مثل هاوي سباق وداخل الرالي
كل ما القا طريق القاه مستنّي
يوم يطرد وراي ويوم يبرالي
يمتحني بيوم ويوم يفتني
والمواقف معاه جداد وسمالي
خابره ما يطيع بكف متمني
لو تشوفه صفالي صعب يصفى لي
أستحث العزوم ويستحثّني
وان تعثرت فال الله ولا فالي
كثر الله خير الأيام ربّني
| شعر : مشاري فالح البدري |
ياعطيّه هموم الوقت صابنّي
ضاق صدر الشمال وشانت احوالي
الامل والفرح ماهن على ظنّي
كان رجلي معوّدها على العالي
كم نطحت الليال اللي يحدنّي
لو تميل الدروب اميّل اعقالي
طحت واقف وضاحك للملا سني
ميتٍ ماوضح للناس غربالي
المصايب تهبّ ولا يهزّني
ما تهز الرياح بصوتها اجبالي
والصعايب مع الصدمات شدنّي
مارتخي للزمن لو قطّع احبالي
كثّر اللهْ خير الأيام ربنّي
اشرب المرّ لكن حالي افعالي
كلّ شيبات راسي لو يعننّي
من تصاريف وقتٍ ن ماتهيالي
من قديم الزمن لليوم يبلنّي
كلّ شيبه لها قصّه وتفصالي
لكن اللي شغل فكري و جننّي
غدر من هو تحسْبهْ صاحب اموالي
قبلها ما حسبت ولا يهمنّي
ولاعليّه من اهل القيل والقالي
خلقتي والجزايل دوم يوحنّي
من ابوي اكتسبت الطيب والخالي
فوق ضلع المراجل دايم اغنّي
يزعج اللي تردّى لحن موالي
ما شكيت الجروح اللي يحرقنّي
والله اني ادوس الجرح لو طالي
بيّح الله سدود اللي يبيحنّي
واكشفت لك خفايا قلب به صالي
ياعطا لاتحسب القاف من فنّي
لكن الهم كافر دوم يبرالي
ترْجَمتْ مابجوفي من صغر سنّي
لين ضاعت ملامح حلم الاطفالي
تدري اني حزين ودايم آونّي
سكّر ابواب وجدك .. ريّح البالي
وإليكم هذا الرد الجزل من الشاعر المبدع عطيه الكوح في هذا النص المليء بالشعر والجزاله
للحمول الثقال منوخ اجمالي
| شعر:عطيه الكوح |
يا هجوسي عساك بخير طمني
لا تخيب رجاي وتقصر امالي
هات مزن القوافي لين يروني
واعطني من رصيدي ما تبقى لي
يا عسى بروق مزنك ما يغشّني
وارتوي من ظماي نظاف واجزالي
جاك صوت الشمال العذب متعني
صوت غالي علي وصاحبه غالي
والله اني سئمت الشعر لكنّي
للحمول الثقال منوخ جمالي
يوم صدرالشمالي ضاق به كني
طحت من فوق راس الشامخ العالي
يا الاهي من الزلات تامنّي
عند راعي الوفا باقفاي واقبالي
لو تمكنت ما غيرك يمكني
يوم ازم الحمول اخفاف وثقالي
يا عظيم الثنا والفضلِ والمنّي
أعفني من خطاي وشر عذالي
با بن فالح تراني غير متوني
لو تشين الظروف ويقصر ظلالي
هات حملك واشيله عنك وعني
لين ترسي سفينتنا على الجالي
لين عوج الليالي يسفهلنّي
كل عقده لها يالقرم حلالي
ما عشقت الرقاد ونمت متهني
كيف تسهر وحلو النوم يهنا لي
والوفا يا صديقي منك ومني
راس مالي مع حلي وترحالي
الزمن يا مشاري كنه وكني
مثل هاوي سباق وداخل الرالي
كل ما القا طريق القاه مستنّي
يوم يطرد وراي ويوم يبرالي
يمتحني بيوم ويوم يفتني
والمواقف معاه جداد وسمالي
خابره ما يطيع بكف متمني
لو تشوفه صفالي صعب يصفى لي
أستحث العزوم ويستحثّني
وان تعثرت فال الله ولا فالي
