جروح وقتك

المشاعر وكتابها والحيرة قبل بداية اول بيت من الشعر يترجم معاناة الشاعر بهذه البداية يقول خالد:

كل ما بغيت أبدع لك (أبيات) في كتاب

شفت (المشاعر) كلبوها تشاوت

مدري وش أكتب فيك من مدح وأعجاب

لأن (القصايد) في مديحك تهاوت

أنتي شموخ (ملوك) وسلوم لأعراب

وفي طيبتك كن الآوادم تساوت

شلتي هموم إثقال ما تشيلها أرقاب

وبالصبر كل جروح وقتك تداوت

والصبر مفتاح الفرج يفتح أبواب

حتيش لو أن المصايب تفاوت

لو كان بيدي ما وطت رجلك أتراب

فوق السحب خطوات رجلك تطاوت

ولا من ذكرت العنق مع سود الأهداب

عروق (قلبي) في الحنايا تلاوت

الله عطاك اسلوب مع زين جذاب

يفداك قلبن نار حبّه تضاوت

حبٍ شريف بمنهجه ما بعد عاب

فيه (المشاعر) لا اعذلوها تقاوت

(الحب) مع شرواك ما يقبل عتاب

روحك وروحي في المحبه تخاوت

دام (الغلا) من بين الأثنين ما غاب

ما همنا لو (الذيابه) تعاوت

شعر: خالد بن سكران