النوايا البيض

النوايا البيض نص يحمل وصفاً لبعض السلبيات وشرحاً للوضع الذي يراه هاجس الحرمان او البدري.

النشاما لو بحثنا ذاكرتها

يوم بعض عقولها من العلم طفّت

النوايا البيض دايم هيجنتها

وارثين الطيب من شيبان قفّت

الحرار اللي تقع في شاكلتها

صيتها يسبق لو الجنحان رفّت

لكن اللي لوّث الصيت وبختها

خِلْفَت اشباه الرجال اللي استخفّت

يوم صار اللبس يكشف خاصرتها

عادي لو تنتف شواربها وحفّت

تقابل النسوان تسمع سالفتها

المجالس عنّها تكرم وعفّت

فوق بل الطين زادت خرفنتها

بنت سوءٍ من مباديها تحفّت

شالت ثياب الكرامه واحذفتها

بعد ماهي داخل الحشمه تدفّت

خلفةٍ ما تحتمي للي نختها

يوم دقّت طبلها والخيل لفّت

والرجاجيل المواقف غربلتها

يوم شان الوقت و وجيهٍ تخفّت

كم روس من الردايا طيّحتها

والكفو معدنْه بيّن يوم صفّت

والنشاما كان عفنا مدرستها

ما يفيد الطرس والاقلام جفّت