قلب مجروح

لذكرياتك نص عاطفي جميل ورائع وتعبير يستحق القراءة اكثر من مرة انة فيصل بن عويمر جاء ليصافح ذائقتكم

ورى ذكرياتك بال عساس

معا كل طاري يبدي البوح

تمرني ليا من هب نسناس

وتبعثر مشاعر قلب مجروح

من العين تسرق لذة إنعاس

لاغنت حزن حمامة الدوح

ملامح تفاصيلك من الياس

على ذمة المكتوب ف اللوح

لامرت عليّ ب كتم الانفاس

أخلي جميع الناس وأروح

وش الادمي من دون الاحساس

لاصار المحبه مالها روح

عليك الملام إنّ مر .. هوجاس

وذكرتك وأنا بالشوق مفضوح

وعلى الماضي اللي بين الاقواس

عتاب الحنين الصلف والنوح

يقولون دام العرق دساس

لايشره على الذباح مذبوح

وأنا أقول مهما صار لاباس

ما دام الخطا ف الحب مسموح

عسى من خلقك ب طينة الماس

يمدك عمر كنّه عمر نوح

وعسى من عطا من غير مقياس

يردك عليّ والذنب مدموح

تخيّل ... غيابك غيّب الناس

وجيه البشر في صورة جروح

شعر: فيصل بن عويمر