حلّي و ترحالي

طولت بالي عليه وضاق بي صدري

يا ضيق صدري عليه ويا وسع بالي !

يا ليت .. من طول الغيبات ما يطري

حتى لو الضيق يترحم على حالي !

ياكيف عني يغيب وكيف ما يدري :

بانه معي كان لي اقرب من ظلالي

مشيت خليت فرحي من ورأ ضهري

والفرْح ودع عيوني ورافق الغالي !

كانت بي امال في ليل الفرح تسري

واليوم انا مفارقه .. ومفارق امالي

ادما لي القلب... . قبله حبنا العذري

ومن يومها هذي احوالي هي احوالي

احاول اسلا لكن... الوضع مايغري

وفقدت فيني ملامح وجهي السالي

وعليّ حن الغياب ومن كثر صبري :

تخيل ان الغياب يحن لـ وصالي !

تضّيع ذاتي وحنين الشوق من بدري :

خلتني اعيش عمري بين غربالي !

ترحالي الفقد لكن حلي المزري ،

يا ضيعة القلب في حلي وترحالي

عذال يا غايبي في رمشي الحدري

العين لا تذرفك بوجيه عذالي...