فعل الحدث
شعر: عامر السحلول
هذه القصيدة قيلت أثناء الغزو العراقي الغاشم وهي للشاعر القدير والإعلامي عامر السحلول والقصيدة تعبر عن نفسها... والقصيدة مصدرها كتاب سلسلة من شعراء قبيلة العوازم جمع وإعداد منصور سالم اللغوي
شلي نقوله ما بقى شي ينقال
فعل الحدث اكبر من اللي نقوله
مهما شرحنا بالقصايد والاقوال
اللي حصل ما ينوصف بالسهوله
طعنة غدر محدٍ طرت له على البال
خطة واثرها من زمان معموله
جت من خبيث الجنس ملعون الافعال
الخاين اللي يدّعي بالبطوله
صدام هدام الشرف نسل الانذال
أذى العرب والمجتمع في افعوله
حنا ثماني اسنين نعطيه الاموال
والشاحنات اللي تشيل الحموله
حمولة الامداد من كل الاشكال
نعطيه ما ناخذ وراها عموله
واهل الخليج اللي يبي منهم طال
لا قال ابي شيٍ بسرعه عطوله
وقفوا بصفه يوم صعبات الاحوال
يوم انتخاهم بالفعل وقفوا له
لكن ردي الساس مهما ثبت مال
انكر جميع افعال من ساندوله
كنا نحسب انه بطل ضمن الابطال
لكن كشفنا بالنهايه ميوله
واعد وبيّن بالمواعيد دجّال
اخلف بوعده وانكر اللي يقوله
وغزا الكويت بكل جيشه والارتال
في ساعةٍ كل البشر ما افطنوله
وكلٍ قعد من لذة النوم مهتال
جيش العراق بدارنا وش دخوله
جيش بمدخاله بدى شين الافعال
نهب البيوت وكل من عاندوله
منه البلاد العامره صارت اطلال
من عزها صارت بحزن امعزوله
وشكل من الحقد الذي فيه يجتال
حكومة من دون شعبٍ ودوله
ويومٍ سمعناها بدى الشعب رحال
شعبٍ وفيٍ ما عطاها قبوله
يتبع أميرٍ قبل واليوم ما زال
هو الذي شعبه جميع ايدوله
يومه طلع ما عاد بالدار منزال
الشعب كله يوم راح اتبعوله
وجينا ل ديره باللقا ضد من عال
دار الفهد ساس الكرم والرجوله
المملكة ديرة كريمين وارجال
اخوان نوره عز من ساندوله
مع شعبهم ضحوا بالاموال والحال
لاهل الكويت وبالكرم قدموله
وقفاتهم ما تنوصف عبر الامثال
تعبير قافي عاجزٍ عن وصوله
واذكر قطر ويا الامارات بالحال
وعمان والبحرين مدحي يطوله
وموقف مصر مع سوريا للوفا دال
والغرب اعلن موقفه واشهدوله
واليوم بانت مابها درق واختال
كلٍ عرفنا طلعته من نزوله
ما عاد فيها بيّنت كل الازوال
الخاين وربعٍ معه طبّلوله
لكن مرد النور يطلع وينزال
عنا الظلام وربنا اللي يزوله
في شاية اللي خالق بحور واجبال
ترجع لنا الديره بفضله وحوله
بقيادة اللي كل شعبه معه قال
انت الامير ووقفوا واهتفوله
الشيخ جابر مع سعد درع واظلال
اقولها من نفس ماهي خجوله
حنا معاهم لو علينا الزمن طال
نفوسنا تصبر ولاهي كسوله
وصلوا على اللي للهدى صار مرسال
محمد اللي اختاره الله رسوله
شلي نقوله ما بقى شي ينقال
فعل الحدث اكبر من اللي نقوله
مهما شرحنا بالقصايد والاقوال
اللي حصل ما ينوصف بالسهوله
طعنة غدر محدٍ طرت له على البال
خطة واثرها من زمان معموله
جت من خبيث الجنس ملعون الافعال
الخاين اللي يدّعي بالبطوله
صدام هدام الشرف نسل الانذال
أذى العرب والمجتمع في افعوله
حنا ثماني اسنين نعطيه الاموال
والشاحنات اللي تشيل الحموله
حمولة الامداد من كل الاشكال
نعطيه ما ناخذ وراها عموله
واهل الخليج اللي يبي منهم طال
لا قال ابي شيٍ بسرعه عطوله
وقفوا بصفه يوم صعبات الاحوال
يوم انتخاهم بالفعل وقفوا له
لكن ردي الساس مهما ثبت مال
انكر جميع افعال من ساندوله
كنا نحسب انه بطل ضمن الابطال
لكن كشفنا بالنهايه ميوله
واعد وبيّن بالمواعيد دجّال
اخلف بوعده وانكر اللي يقوله
وغزا الكويت بكل جيشه والارتال
في ساعةٍ كل البشر ما افطنوله
وكلٍ قعد من لذة النوم مهتال
جيش العراق بدارنا وش دخوله
جيش بمدخاله بدى شين الافعال
نهب البيوت وكل من عاندوله
منه البلاد العامره صارت اطلال
من عزها صارت بحزن امعزوله
وشكل من الحقد الذي فيه يجتال
حكومة من دون شعبٍ ودوله
ويومٍ سمعناها بدى الشعب رحال
شعبٍ وفيٍ ما عطاها قبوله
يتبع أميرٍ قبل واليوم ما زال
هو الذي شعبه جميع ايدوله
يومه طلع ما عاد بالدار منزال
الشعب كله يوم راح اتبعوله
وجينا ل ديره باللقا ضد من عال
دار الفهد ساس الكرم والرجوله
المملكة ديرة كريمين وارجال
اخوان نوره عز من ساندوله
مع شعبهم ضحوا بالاموال والحال
لاهل الكويت وبالكرم قدموله
وقفاتهم ما تنوصف عبر الامثال
تعبير قافي عاجزٍ عن وصوله
واذكر قطر ويا الامارات بالحال
وعمان والبحرين مدحي يطوله
وموقف مصر مع سوريا للوفا دال
والغرب اعلن موقفه واشهدوله
واليوم بانت مابها درق واختال
كلٍ عرفنا طلعته من نزوله
ما عاد فيها بيّنت كل الازوال
الخاين وربعٍ معه طبّلوله
لكن مرد النور يطلع وينزال
عنا الظلام وربنا اللي يزوله
في شاية اللي خالق بحور واجبال
ترجع لنا الديره بفضله وحوله
بقيادة اللي كل شعبه معه قال
انت الامير ووقفوا واهتفوله
الشيخ جابر مع سعد درع واظلال
اقولها من نفس ماهي خجوله
حنا معاهم لو علينا الزمن طال
نفوسنا تصبر ولاهي كسوله
وصلوا على اللي للهدى صار مرسال
محمد اللي اختاره الله رسوله
