خد السؤال...!

الشاعرة الجميلة موضي العصيمي... وتحليق عال جداً في فضاء الشعر، ونص عذب يفتح نوافذه على الأجمل من المشاعر والذكريات...!

السهر سمّاني (العشق الحلال)

بـ الآوادم  .. ما أشوف  العاشقين

من على سكة مطارات.. السؤال

أقلعت دمعاتي  المُره: حنيــــن

كيف تهبط في ضلوعك وانت جال

لـ العواذل، والمهازل، والسنين

لاتقول: قصار وأحلامي، طوال

لا تقول: ضعيف والهقوه  أنين

ماطريتك! عقب خيبات الرحال

الا لني فاضي وصوتي (حزين)

ماطريتك قصدي، احلم بالوصال

بس شفتك بـ المسا.. هذا تبين

حبر غدرك بـ الرسايل ليه سال

والمفارق ليه ماشافته..  عين‏

القهرْ دايم على [ خد السؤال ]

أنت رحت وأنت جيت وأنت وين ؟!

والسهر لو طال تاليه  .. الـزوال

والمخده دمع ولحافي (حنين)

ذكرياتك دايم بـ عيني [ خوال ]

غاليه لو صارت الدعوى... تشين

لا يطول البُعد ويطول... الجدال

ولاتمر العين بـ العذر  السمين

دعوتي (انساك) مع مر الليال

ويتردد صوت خيباتي: [ امين ]