الغالين

الشاعر الجميل مناور بن هاجد واشراقة جديدة في صفحتكم السابعة صباحاً... والكثير من الجمال والشعر والصدق...!

يا طير ياللي بالسما تدرج الحوم

سلم على اللي وسط لندن محله

حكم القدر بين المخاليف مقسوم

بأمر الولي مكفول دقه وجله

سبحانه اللي فارض الحج والصوم

حياتنا في طاعته مسفهله

يارب فرجها على كل مغموم

ناجاك في دعواه والدمع هله

ويارب تشفقي كل مرضان مهموم

وماجاه تكفيرٍ عن الذنب كله

ويرجع غريب الدار ما يلحقه لوم

بعد الأهل والدار للروح عله

عسى السلامة والسعد فالكم دوم

آمين يالغالين في داعة الله