الأقدار

شعر: ماجد بشيت العازمي

لا يريد الفراق ولكن الاقدار لايستطيع تغييرها بهذه العبارات الجميلة جاء هذا النص العاطفي بحروف ماجد العازمي.

ترى حنا بشر ما بيدنا حيله على الاقدار

انا مابي من الاقدار سوى انها فيك تجمعني

تفارقنا في رمشه عين وتبقى للقلوب اسرار**

وتبقى طيوفك اللي كل ليله ما تفارقني

ترى اضحك مع العالم وانا من داخلي منهار

انا توني صغير لكن ان الهم كبرني

الا ليت الصبر ينباع مدام ان المفارق صار

على طول الجفا منك عسى ربي يصبرني

رسايلك القديمة مسجلة في حافظة تذكار

مع اني ما نسيتك بس مراسيلك تذكرني

اكيد احتاجلك مثل الاراضي لحاجة الامطار

تراك معاهد قلبي نسيت انك معاهدني

احبك كثر مالك داخلي حب وغلا ومقدار

واذا ما كنت صادق جعل ربي لايوفقني

اكيد ان البشر ما بيدها حيلة علي الاقدار

انا مابي من الدنيا سوى انها فيك تجمعني