حب عدمته

نص عاطفي جميل يتميّز بهدوء المشاعر ولكن هناك كلمة (ضيعتني) وفهمت منيرة لغة الفراق.



أشقيتني يا حب منه تعلمت

إن العمر لو يتبعك ما رحمته

هزيتني غصنٍ عطى ثمره بصمت

ولا شكى لك يوم فرحٍ ظلمته

ضيعتني «كلمة» وسط صفحتك همت

ليمن نطقني هالفراق وفهمته

ناديتني واثريك لا ما تكلمت

بس الحنين اللي كتبني زهمته

فطرتني «دمعة» ونا عالوعد صِمْت

لا واحسافة عالعهد يوم صمْته

جرعتني سمّك وأنا قد تحملت

وأثره تفشى وسط جوفي ورمته

يا مهتني بالغير ... عالبعد عزّمت

وانا هزمني همي اللي لزمته

لي شفتني طيف بعيونك وسلمت

ابيك تذكر قلبي اللي ظلمته

يا ليتني بالبعد مثلك تنعمْت

ولا بكيت بيوم حبٍ عدمته»



شعر: منيرة سبت السبيعي