الملح والسكر

| شعر: بدر ناصر المورقي |

 بدر المورقي يتواصل بكل جديد جميل والاجمل ما تخط انامله من شعر رائع بكل هدوء يقول المورقي**



يا كثر ما نحكم على الرجْل بظنون

انه رزين وللاسف شين منطوق

ومرّات نحْكم بان هالرجْل مجنون

واثره تملّك مستوى أخلاق مرموق

وياما يهادن رجل والخبث مكنون

يمد كف الحقد والصدر محروق

رجلٍ تحسْبة بالشديدات لك عون

واثره بشبل الحسْد حافر لك العوق

ياكثر ماتاهت ورى المظهر عيون

والظن يتبع زيف الالوان مسروق

اخذ الكلام الممتلي عقْل موزون

يداوي اللي ذاق من ظنّه حروق

احرص على المخبر ولا اتصير مفتون

لا ايغرك المظهر ولو قيمته فوق

يتْشابه السكّر مع الملح باللون

والفرق واضح بينهم واسأل الذوق