شاطئ القرم

الجميل شعرا ومشاعر عمر اللهيميد وحضور مميز بكل هذا الجمال والخيال ونص يعانق شاطئ القرم في سلطنة عمان، ويتلحف الابداع والامتاع...!**



الضيق خيًم على صدري ومتذير

مافيه واحد يحس ومابه الغيره 

ربع المصالح مـ فيكم واحدٍ خير

تعبت اجامل واخلط الشك بالحيره

طرقي ولكن على قيعاني مسير

ضاقت فجوجي وضاقت باقي الديره

مبطي وانا احاول اغيًر ولا اغير

وطير الوحش يكفخ ولاطالع بجيره

يالقرم بحرك علامه ؟ ليه ؟ متغير

هذا نسيمك ؟؟ لاوالله صد عن طيره

في ظلمة الليل بيًن وجهك النير

ومن طلة الصبح ماتت كل نواويره

عيًرت قلبي على بحرك وانا اعير

قالت هواجيس بالي / فضها سيره

شمعه / زقاره / ودخان الغثا / طير

اطراف غترة  على كتفي بـ تعميره

يارب سترك وفرج همي وصير

يامدبر الأمر// غيرك ضاع تدبيره

يالله عساها غمامه //  راحت تحير

ويالله عساها على وجه الفتى ( خيره )