عامر الفالح / الشمات / برلمان ثلث الأمة

شعبي:
مَجْلسْ غريبْ
الثِّلثْ يِصَوِّتْ يِنْتِخِبْ
والأغلبيةْ خارجْ الحِسْبَةْ
تِغيبْ!!
غابتْ رموزْ..
بْقاعِتَهْ تاريخَها الماضي المُهيبْ
مَجْلسْ غريبْ
الثلثْ يْشرِّعْ للبلدْ
واللِّي يِقاطعْ ما نِلومَهْ أو نِعيبْ
الثِّلثْ يْقرِّرْ للبلدْ
أُهْوَهْ الرَّقيبْ
أهوَهْ الحسيبْ
وباقي الشَّعبْ ماله علاقةْ مِنْ بِعيدْ
أو من قريبْ
مَجْلسْ غريبْ
الثلثْ يفوزْ ويحتفلْ
لكنَّ ثِلثينْ الشَّعَبْ
ما لَهْ في هالمجلسْ نِصيبْ
عامر الفالح