كنت أحبك

كنت احبك موت.. ياعشق انـكتب

لين مات الحب واحساسي فدى

كنت احسب ان قلبك المطلي!! ذهب**

لين جار الوقت وبيــّن به... صدا

لــيه مدري لــيه جــّرحت الهدب

واذرفت عين العتب قطرة... ندى

بان سرٍ من كبر همه نشب

وسط قلـب انتهى فيه وبدى

اتصبر واحترق مثل الحطب

وانطفي والضيق له فيني مدى

للشتات احيان يجمعني مهب

والسكوت الـمُر لـه صوت وصدى

مدري انك خنت والواقع كذب

او معاي الحظ عن دربه حدى

ادري ان الحزن من عقبه وهب

الوهم / والجرح... له مخلب عدى

بيض الله وجه من شال التعب

وسامح الله... منهو بطيبه غدى

كنت احبك موت ياعشق انشطب

لين مات الحب واحساسي فدى

اتعــّذر بالـسبب وبلا سبب!

دامني ماجيت بقصور وردي



محمد الخطيمي