يا جافيـة
من ظلم الجفاء وموت فرحة القلوب وبعد الغلا جاء رثاء الحب بهذا النص الرائع بفكرة ومعاناة الصليلي:
يا جافيه وشلون بيدك قتلتي
شوق القلوب وفرحة اللي تمناك
إي والله إنك لا رحمتي وقلتي
عز الشجون بقبرها يوم مرثاك
عقب الغلا بصدك غلايه جهلتي
قلبٍ على كل المخاليق بداك
مثل الأماني من حياته رحلتي
الناس تفطر وأنت تذن بالإمساك
مثل التهاني للرجا ما اكتملتي
عقب الفرح تركتلي جرح فرقاك
الله حسيبك كيف فيني أزلتي
نور المحبة بوحشة هموم الأهلاك
لا واعذابي يوم عني عزلتي
حلو العطايا من مداهيل يمناك
ليتك بوصلك وافيه ما خذلتي
محبوبك اللي من عنا الوقت يفداك
ليتك بنورك مسفره ما ظللتي
صدق المشاعر من غياهيب سلواك
ليتك على وضح النقا بي حللتي
وأصير لك يسرى حياتك ويمناك
لكن حياتي لا قصرتي وأطلتي
قلبي مرامه يا أريش العين لاماك
مهما سعيتي في عناه وفعلتي
مسموح وكل العمر والله فداياك
الله عليم بحالتي لا سألتي
ما غير أدور يا نظر عيني إرضاك
ما ماتت أشواقي ولو ما اتصلتي
ما شاقني في دنيتي غير لقياك
أنا دخيل إمزونكم لاهملتي
ردي صدى صوتي بطلة إمحياك
بالصد والهجران وش عاد نلتي
غير العنا لقلبٍ على الخلق بداك
شعر طارق خالد الصليلي
سقف الأمل
بين الأمل وابعاده ونار الانتظار للوصول له جاء هذا النص الرائع من الشاعر الرائع والقدير فهد الدقيس:
خط القلم جرحي والاشواق حبره
يبقى الرفيق اللي له جروحي تجود
الوقت خيطٍ والصواديف أبره
ومن وخزها كلن وله قسم معدود
دنيا الفنى تلوي علينا بمكره
ضاقت علي وخيط الايام معقود
الخاطر المكسور يا طول جبره
هذي سنة وسنين ما هب له نود
كملي وأنا ارقب مد بحرك وجزره
والظاهر اني في شواطيك مفقود
لو كثرت العميان لا عاد تشره
ضاع المقدي وانت ما عاد لك فود
هذا المعنى وان بقى طال عمره
الجذع يروي الظما لاحق العود
مثله مثل غصنٍ يضحي بصبره
يفدي ظلاله ما شكى حيل مهدود
مليت اصارع في مواعيد بكره
واخيط فتقٍ للمعاذير ممدود
لا ميئسن منها ولاني بمكره
فيني دبيب من الامل ماله حدود
سقف الامل عالي وشيدة جدره
وطماعتي فالمتن ما هو ترى الذود
أما وصالٍ يعتق اللي بأسره
ولآ سجينٍ دونه الباب مردود
شعر فهد الدقيس
يا جافيه وشلون بيدك قتلتي
شوق القلوب وفرحة اللي تمناك
إي والله إنك لا رحمتي وقلتي
عز الشجون بقبرها يوم مرثاك
عقب الغلا بصدك غلايه جهلتي
قلبٍ على كل المخاليق بداك
مثل الأماني من حياته رحلتي
الناس تفطر وأنت تذن بالإمساك
مثل التهاني للرجا ما اكتملتي
عقب الفرح تركتلي جرح فرقاك
الله حسيبك كيف فيني أزلتي
نور المحبة بوحشة هموم الأهلاك
لا واعذابي يوم عني عزلتي
حلو العطايا من مداهيل يمناك
ليتك بوصلك وافيه ما خذلتي
محبوبك اللي من عنا الوقت يفداك
ليتك بنورك مسفره ما ظللتي
صدق المشاعر من غياهيب سلواك
ليتك على وضح النقا بي حللتي
وأصير لك يسرى حياتك ويمناك
لكن حياتي لا قصرتي وأطلتي
قلبي مرامه يا أريش العين لاماك
مهما سعيتي في عناه وفعلتي
مسموح وكل العمر والله فداياك
الله عليم بحالتي لا سألتي
ما غير أدور يا نظر عيني إرضاك
ما ماتت أشواقي ولو ما اتصلتي
ما شاقني في دنيتي غير لقياك
أنا دخيل إمزونكم لاهملتي
ردي صدى صوتي بطلة إمحياك
بالصد والهجران وش عاد نلتي
غير العنا لقلبٍ على الخلق بداك
شعر طارق خالد الصليلي
سقف الأمل
بين الأمل وابعاده ونار الانتظار للوصول له جاء هذا النص الرائع من الشاعر الرائع والقدير فهد الدقيس:
خط القلم جرحي والاشواق حبره
يبقى الرفيق اللي له جروحي تجود
الوقت خيطٍ والصواديف أبره
ومن وخزها كلن وله قسم معدود
دنيا الفنى تلوي علينا بمكره
ضاقت علي وخيط الايام معقود
الخاطر المكسور يا طول جبره
هذي سنة وسنين ما هب له نود
كملي وأنا ارقب مد بحرك وجزره
والظاهر اني في شواطيك مفقود
لو كثرت العميان لا عاد تشره
ضاع المقدي وانت ما عاد لك فود
هذا المعنى وان بقى طال عمره
الجذع يروي الظما لاحق العود
مثله مثل غصنٍ يضحي بصبره
يفدي ظلاله ما شكى حيل مهدود
مليت اصارع في مواعيد بكره
واخيط فتقٍ للمعاذير ممدود
لا ميئسن منها ولاني بمكره
فيني دبيب من الامل ماله حدود
سقف الامل عالي وشيدة جدره
وطماعتي فالمتن ما هو ترى الذود
أما وصالٍ يعتق اللي بأسره
ولآ سجينٍ دونه الباب مردود
شعر فهد الدقيس
