لذة الصمت

الدواي يصافحكم للمرة الأولى بهذا النص المتسلح بالوصف والتوجيه من خلال الشعر باسمكم نقول أهلاً وسهلاً. الكِبر فالشخص **لامن وصل حده وبان



صار تشويشٍ بفكره وعتمه ب انظره

العمى فالقلب ماهوب في شوف العيان

كم بصيرٍ معمي الله عن الحق ابصره

تختلط بعض المفاهيم والمكرم يهان

والمهان يكرّمه جاهلٍ ويوقره

لازم اتحكّم ضميرك وعقلك ب أتزان

القلم وش خانته لا فقدت المحبره

المراجل بالمخابر وبالشدّه تبان

والمظاهر كم رديٍ يخَدعك مظهره

لاتناقص لذّة الصمت ياطلق اللسان

كم لسانٍ طلق لكنّ مافيه ثمره

وبالأمل حذرى تمادى ويخدَعك الزمان

كم صغارٍ يحتضنهم تراب المقبره

القدر مايمنعه ربطة حزام الامان

ولا انت ساتر شيّ مادام ربك مَ استره

دام ليلك ترقده من فضل ربك بأمان

إحمد الله يوم عزّك ب دِينه واشكره



شعر: أحمد الدواي