اتصلت البارحة

شاعر تمكن من الشعر لدرجة الابداع ولكن ابتعاده عن الاعلام كان له الاثر الكبير في حجب هذا الابداع عن الكثير من محبي الشعر انه فهيد زيد بهذا النص يصافحكم

تعترض زلتك قدامي وأشوفك غادي

وانت زلتك الكبيرة ما اعتبرها زله

والسبب كله غلاك اللي بوسط فؤادي

مازرعته في خفوقي كذب ولا ذله

اتصلت البارحة فيك ونسيت رقادي

لين شفت الشمس مع حدب الضلوع مطله

كان نبضك عذب في قلبي وصوتك هادي

وكان قلبي يحتفل باللي تقوله كله

قبل تشكرني الى جيتك على ميعادي

اعرف ان الحر مثلي ما يعرف الذله

ما علي من العيون اللي تقيس أبعادي

تلتفت لأدناي ولا أقصاي ما توصل له

سامعٍ لي من ورا النسيان صوت منادي

وابرك المعروف معروف يجي في حله

لو حداني من ظروفي يا رفيقي حادي

ماشكيت همومي المزحومة الا لله

مع براد الصبح ماغنى حمام الوادي

وعقب ما مال الضحى زانت لحون الشله

الصغير يشوف ظله في الصباح البادي

وكل ما تظهر عليه الشمس يفقد ظله



شعر: فهيد زيد