أبوصباح المجد

يا بو صباح و موقفك موقف ارجال 

لا والله الا يعجزون الرجاجيل

(على الهوا) لا زعزت بعض الابطال

الشيخ ثابت ماطرا شك او ميل

والموقف اللي تثبته صدق الافعال

على النقا ماجاه زيفٍ و تعديل

والموقف اللي تنضرب فيه الامثال

يبي ارجالٍ صدقها يعدل الكيل

والموقف اللي تفتخر فيه الاجيال

موقف حقيقي مايجي فيه تمثيل

والموقف اللي ثابت بكل الاحوال

موقف فخر ما شوهه اي تضليل

هذي المواقف تختصر كل الاهوال

ويفخر بها التاريخ جيلٍ بعد جيل

هنا ارتوى التاريخ من بعد ما طال

حكمة سموك وابتدا يجري السيل

واللي صعد عزه و مجده و لا مال

غصبٍ على التاريخ والقال و القيل

يصعد ويصعد بالفضا كنه هلال

 ويشرق كما صبحٍ كسر عتمة الليل

أبو صباح المجد والمجد لا زال

يكتب ويقرا كيف فعل الرجاجيل



فرج صباح

farag saba7@





وجه السعد

كل فعلن ما يكون ان كان ما يوفي وعد 

بالفعل عديت الكلام  وانت من قبل الوعد

يوم غيرك ( بالكلام الضحل ) دايم مستعد

انت خليك الكلام بغير افعالة حرام

بوصباح ويوم فعلك أمس بالمجلس صعد 

من عطا هذا المنصة غيرك افعال ومقام

علَم اللي ما تعلَم يوم .. لا منّه قعد 

مايطول من السما والمجد والعز احترام

وانت في فعلك ضويت بلاد يا وجه السعد 

 لاوقف مثلك حسام .. و ماقعد مثلك حسام

انت بأفعالك غديت الفعل ولبعد البعد 

 اختصار الفعل كنت ومابقى بعد كلام 



عبدالله فلاح