جابر فالح شاعر اختصر كل المسافات بست محطات

مجرد رأي

صاحبي خذها من الواقع نصيحة

جامل العالم إذا ودك تحبك

ساو بين الطيبة ويا النطيحة

ولك حق إليا لقيت اللي يسبك



بالعكس

لا تفرح إن كثروا الليلة حوالينك

بعض البشر للاسف تبحث عن الارخص

ولا تحسبني أخزك معجب بزينك

بالعكس مستغرب إن الناس ماتبخص



انتبه

لو تحاسب صاحبك في كل زله

يب يخليك الزمن من غير صاحب

اطلق حجاجك ليا شفته وقله

أبرك الساعات شوفك يا مراحب



وصفة

اللي تحبه لا تبين له الحب

إلا إذا تب تخسره قول أحبك

الحب في هالوقت محتاج له كذب

ومحتاج تضحك لو حبيبك يسبك



محسود

ياحظك تنام لامن جيت لفراشك

منتا بمثلي تقلب لين ما يذن

لو الذي حاشني ياصاحبي حاشك

مالمت منهو قرأ كتاب (لا تحزن)



مسك الختام

فمان الله يالحب القديم مضيع الهقوات

فمان الله لو نفسي على فرقاك مغصوبة

أحبك إيه أحبك كثر ماجريت من ونات

لو إن القرب منك ذنب ماني معلن التوبة



شعر: جابر فالح