ما هلّ دمعي

نص عاطفي جميل بأسلوب هادي ومؤثر بمشاعر رقيقة وعاطفة فريدة نظم بحروف حالمة وحنان الحب تصافحكم للمرة الأولى حنان العجمي:
سجدت لله أطلبه يووم ألقاه
ماهلّ دمعي دام ربي حسيبه
يا كيف أسامح يوم شانت سواياه
ما دام يبعد والعذر له قريبه
ما قلت له ما كل جوّاي يخفاه
لي قلب ينزف والخطا من طبيبه
وإني ليا طوّل علي ما تعدّاه
بيته وداره وآترشرش بطيبه
وإني ولو يغلط علي ما تحدّاه
إلا بصبري واحترامي لـ عيبه
كم لي وأنا أشتاق له وآتمناه
وأدعي لـ ربي كل حاجه تجيبه
كم لي وأنا اللي غايتي أكسب رضاه
كنّه (وطن) وأحيا بدونه غريبه
كم لي أكابد لوعتي واتحراه
أوقات عمري دون قربه عصيبه
أكبر مصيبه كل ما جيت بنساه
قلت العمر دونه امانه شبي به
ياللي تعذلوني على شان أهواه
شوفوا شعر صبري هنا بان شيبه
تدرون أدعي كل ما حلّ طرياه
يارب غيري ما يجي من نصيبه
يارب غيري ما يجي من نصيبه
يارب غيري ما يجي من نصيبه
أزعل ويجفاني ولو صدفه ألقاه
أسامحه وأقول ربي حسيبه
شعر: حنان العجمي