صمت الغلابة

كلمات وحروف عذبة تحمل معاني جميلة تحتوي على الكثير من المقدرة الشعرية بهذا الاسلوب الرائع (صمت الغلا) يصافحكم بن سارح



ياخي تعبت من القلم والكتابة

ومن كثرة الاوراق بيني وبيني

أملى من آهاتي دفاتر ولابه

عين تفك احزانها غير عيني

كلْ ليله الهاجس يسري ركابه

ويلف بي الدنيا ويملى يديني

أجمع من العالم جروح وكآبة

وآهات واوجاع وهموم وأنيني

وآخذ من المظلوم نكهة عذابه

وخشوع ليل وتمتمة سجدتيني

وكفوف تدعي دعوة مستجابة

يسري صداها في مسامع سنيني

يهديني اليتمان جور القرابة

وسهم من يديهم بصدره مكيني

حتى ندا الهيمان يملي جوابه

ومن المفارق دمعتين وحنيني

أتعب من اتعابي تضيق الرحابة

آنوخ ركابي وامسح جبيني

وليا اشرقت شمسي كسرت الرتابة

وانفض يديني والأسى يعتريني

وانزّل حمولي بلطف وغرابة

على كتابٍ ماعجز يحتويني

واهديلها عنوان (صمت الغلابة)

واطرز البيضا (بنبرة حزيني)

واشكل الروعة بذوق ونجابه

وآزفها ليعون من يحتريني

واتفاجأ اني عايش وسط غابة

وغيري من اللا شي ساكن عريني

يهملني العالم وانا اللي سرابة

وحيد ورياح الضمير اتحديني

لكن بهالدنيا تشوف الغرابة

من ياصل القمة رفعة العويني

ماهمني لو صار وقتي نهابة

متشبثٍ با لله وآحب ديني

يكفي ضميري لو رضا بالكتابة

ودعوة رضى الله من والديني