وين أنا...؟!

الأمل طفل صغير... ويحبي

والهدف أبعد من الغيم.. البعيد

والأماني لو ورا الصمت الأبي

ماحجبها سور او باب... حديد

ياسنين(ن)اتعبت حيل (ن) يبي

واجهدت ايامهاا عزم... الشديد

الجروح اكثار والسر مختبي

والغيااهب درب والهاقي بليد

يا فضا عالم به الحالم غبي

ماتحقق حلم مكسور... وعنيد

ليه؟ ياغرس الليالي واتعبي

ما حصدته وانحنى غصن الجريد

اسألك لو كنت عارف مطلبي

والجواب اللي اعرفه لو... تحيد

(وين انا)والضيق مني وش يبي

هو.. خذا الفرحه وخلاني وحيد

كيف ضاع الحلم او هو منسبي

واخلفتني.. رمعة الراي السديد

ذقت مر الزير بغدر التغلبي

أرتشفته هم والساقي... يزيد

مرتوي والحمل جرح منكبي

وفي جفى الحسرات ازفر والوعيد

من غثاي استلهم الجمر احطبي

واحترق عود المشاااعر والقصيد

ويوم ضاق الكون شمت بمرقبي

وكم نزفت احساس جرده... الوريد

(هذا انا) للحين يقطر... مخلبي

من قديم الحزن ماهو من جديد

والصبر لاشك مرسى مركبي

ولو يشح الوقت يبقالي... رصيد