المصري أفندي / القضية 25 .. !!
| د. سعيد فهمي |
سمعنا وقالوا من زمان كل واحد بيكون معروف اسمه قبل ولادته ومكتوب فوق في السماء.. يعني كل واحد مكتوب في السما اسمه قبل ماينزلط ويقول واااااء.. وكلنا زي ما احنا عارفين ان رب الكون علِم أبونا آدم كل الأسماء.. وعرضهم على الملايكة لكن ماعرفوش ونادى آدم اللي أطاع ربه ولبى النداء.. يعني الخلاصة كل حاجة في الدنيا دي ليها اسم وأصل وفصل حتى السمك في الماء.. لكن حاول تاخد خيمة في الميدان وتقعد تفكر في ساعة عصاري عن أصل الأشياء.. ومين اللي بيملك تسمية أي حاجة في الدنيا وبيوزع حروف الهجاء.. واللي بيكتشف العِلة مين وبيقدر يعالجها ويوصف الدواء.. ولو أهملنا في ايه وللا ايه حيصيب عقولنا الداء.. وازاي بتكون الخريطة واضحة قدام الناس لكن تلاقيهم فجأة للخلف در من غير تمييز وبمنتهى الغباء.. زي الخروف لما يكون جعان المفروض يقول مَم لكن من غباوته بيقول مااااء.. زي اللي بيحاول يلهط الهبرة ويركب الميدان واختار كلمة تورتة وتبدأ بحرف التاء.. مش مصدق روح وشوف الميدان حتلاقي شعارات كتير على كل شكل ولون وكله حسب الانتماء.. حتسمع كلمة حَسم وحُكم ودول بحرف الحاء.. وتسمع ثورة وثرثرة ودول بحرف الثاء.. وتسمع فساد وفلول وراجل واقف بعربية بيبيع فول وواحد بيبيع فل للحَبِيبة وكله بحرف الاف أو بالعربي الفاء.. لكن لو شفت المنظر من بعيد حتلاحظ الكساد وتصفية الحسابات وبلد بيئن من غياب الأمن والخوف من بكرة وناس بتقول يالهوتي ياخرابي ودول بيبدأوا بآخر حروف الكلام يعني احنا دخلنا كده عالياء.. لكن مش مهم مدام فيه عين خبيرة ورجالة سهرانة قدامها مليون بديل وعارفة ان الكي آخر علاج للداء.. الفوضى والبلبلة في الميدان تحت أي مُسمى صابت الناس بالفزع والهلع واتحولت لمهزلة ووباء.. خلاص بانت وهانت واللي طَلع العفريت يبقى يقابلني لو قدر يصرفه واللي بيلعب بالنار ما يبكيش ويقول وااااء.. !!
ونرجع تاني للحروف ونسأل مين اللي بيصنف الأشياء ومين اللي بياخد القرار.. يعني مثلا مين اللي خلي الكوسة والبامية من مملكة الخضار.. ومين اللي قال السلطة والسُلطة محتاجة علشان تبقى سبايسي شوية فلفل وطبعا قوطة وخيار.. ومين اللي بيجيب وزير ويرجع يبدله علشان مظاهرة بتلاتين أو أربعين واحد ويتحجج ويقول أصل الشعب اختار.. ومين اللي بَلبل الناس وخلاهم عايشين يوم بيوم مش عارفين بكرة فيه ايه والكل عايش محتار.. فين الصح وفين الغلط ومين اللي أقنع الناس ان الفوضى وفرض المطالب بالقوة والاعتصامات هي أول المشوار.. مين اللي حول صبر الناس واستغل بساطتهم وحولنا من شعب مسامح ومسالم لناس تانية من كوكب تاني صدورها مليانة حقد ونار.. الأصابع كتير والأيادي الخفية عمالة بتلعب في الضلمة وبتخرَب في أساس البيت وبتهد علينا الدار.. اللي بيقبض من الأمريكان مين وعامل ائتلاف وعامل فيها زعيم وصاحب مبدأ وهو كان بيتمحلس للنظام القديم وقاعد مستني اشارة مع اخواته الشطار.. مين اللي خلي طرف من ذيول جيمي يبقى محلل سياسي ويكتب بيانات الميدان ومش ملاحق على برامج التوك شو ليل ونهار.. مين اللي سمى هربانة من المحاكمة اعلامية وتتكلم على النظام القديم اللي اتمرمغت في خيره وعملت نفسها قديسة وسط الكفار.. مين اللي خلي قاتل قديس وبطل رغم اعترافه وعملوا له موكب وزفة وخلاص بقى من الكبار.. مين اللي سمى حانوتي رائد مقاومة شعبية وباع له منصة في الميدان ويهاجم ويهدد منها الأشراف الأحرار.. حاجات كتير وغرائب أكتر ومسميات عجيبة غريبة على كل لون ياخيار.. ده ثوري وده نوري وده كلامنجي وده صاحب اسطوانة مشروخة وده فتوة وكرسي في الكلوب وتولع الدنيا فوضى وتنطفي الأنوار.. مين اللي سمى فلان ده اعلامي وده صاحب رؤيا وده محاور مع ان معظمهم كان للنظام القديم طبال وزمار.. مين اللي زرع في ثقافة الناس ان البلطجة وضرب الشرطة وانتقاد العسكر هو الاستقرار.. مين اللي بيصنف الناس تحرير وروكسي ومين اللي عاوز يخليها فوضى في السويس واسكندرية وكفر الدوار.. مين اللي زرع جوه قلوب الناس الغل وثقافة القصاص عمال على بطال وعاوز الدم للركب أنهار.. مين اللي صَعَد سقف المطالب بين الناس ورضعهم مطالب من غير مايهضموها في صورة بيانات وأشعار.. مين اللي بيشكك في كل انجاز وكل خطوة وواقف على الواحدة متربص زنهار.. اللي بيدق أسفين في كل اتفاق وقاعد بيتفرج وقال ايه بيشارك في الحوار.. هو مفيش غيره اللي مايتسماش اللي بيصنف الناس والألقاب ولو عرفته حتقدر تفك الشفرة والأسرار.. هو اللي مايتسماش صاحب التنويم المغناطيسي اللي سلب الناس ارادتها وخلاها تنسى الاستقرار.. هو اللي مايتسماش اللي خلى كل من هب ودب وراح الميدان يتفرج يبقى من الثوار.. !!
عرفت مين اللي مايتسماش ولا لسة حتواجه الأمور بسلبية.. لسة حتدي فرصة لناس يسحبوك من ودانك للميدان ويوشوشوا فيها ويوهموك بمبادئهم الثورية.. ولو اعترضت حيعتبروك خاين وعميل ونصير لعصر الفساد والمحسوبية.. وواحد من الفلول وأتباع العصر البائد بتاع الست والمستر جيمي مفجر قوانين داروين الوراثية.. نسيوا انك انسان بسيط مواطن مصري حر عاوز تعيش في سلام وعدل وحرية.. عاوزين يغموا عينيك ياعيني زي الجاموسة بيربطوها في ساقية المطالب اليومية.. انت حر وكله محسوب على رصيدك ومستقبلك بالساعة واليومية.. بنفس القوانين اللي بيعارضوها عاوزين يحكموك وترجع ريما لعادتها القديمة ونرجع من تاني للقهر والعبودية.. ملعون أبو الغباء على الدلاديل على كل واحد بينهش ويهد في استقرار بهية.. لازم تفوق ولازم تصحى ولازم نعيد من جديد عزيمتنا ووحدتنا وهي دي القضية.. !!
[email protected]
سمعنا وقالوا من زمان كل واحد بيكون معروف اسمه قبل ولادته ومكتوب فوق في السماء.. يعني كل واحد مكتوب في السما اسمه قبل ماينزلط ويقول واااااء.. وكلنا زي ما احنا عارفين ان رب الكون علِم أبونا آدم كل الأسماء.. وعرضهم على الملايكة لكن ماعرفوش ونادى آدم اللي أطاع ربه ولبى النداء.. يعني الخلاصة كل حاجة في الدنيا دي ليها اسم وأصل وفصل حتى السمك في الماء.. لكن حاول تاخد خيمة في الميدان وتقعد تفكر في ساعة عصاري عن أصل الأشياء.. ومين اللي بيملك تسمية أي حاجة في الدنيا وبيوزع حروف الهجاء.. واللي بيكتشف العِلة مين وبيقدر يعالجها ويوصف الدواء.. ولو أهملنا في ايه وللا ايه حيصيب عقولنا الداء.. وازاي بتكون الخريطة واضحة قدام الناس لكن تلاقيهم فجأة للخلف در من غير تمييز وبمنتهى الغباء.. زي الخروف لما يكون جعان المفروض يقول مَم لكن من غباوته بيقول مااااء.. زي اللي بيحاول يلهط الهبرة ويركب الميدان واختار كلمة تورتة وتبدأ بحرف التاء.. مش مصدق روح وشوف الميدان حتلاقي شعارات كتير على كل شكل ولون وكله حسب الانتماء.. حتسمع كلمة حَسم وحُكم ودول بحرف الحاء.. وتسمع ثورة وثرثرة ودول بحرف الثاء.. وتسمع فساد وفلول وراجل واقف بعربية بيبيع فول وواحد بيبيع فل للحَبِيبة وكله بحرف الاف أو بالعربي الفاء.. لكن لو شفت المنظر من بعيد حتلاحظ الكساد وتصفية الحسابات وبلد بيئن من غياب الأمن والخوف من بكرة وناس بتقول يالهوتي ياخرابي ودول بيبدأوا بآخر حروف الكلام يعني احنا دخلنا كده عالياء.. لكن مش مهم مدام فيه عين خبيرة ورجالة سهرانة قدامها مليون بديل وعارفة ان الكي آخر علاج للداء.. الفوضى والبلبلة في الميدان تحت أي مُسمى صابت الناس بالفزع والهلع واتحولت لمهزلة ووباء.. خلاص بانت وهانت واللي طَلع العفريت يبقى يقابلني لو قدر يصرفه واللي بيلعب بالنار ما يبكيش ويقول وااااء.. !!
ونرجع تاني للحروف ونسأل مين اللي بيصنف الأشياء ومين اللي بياخد القرار.. يعني مثلا مين اللي خلي الكوسة والبامية من مملكة الخضار.. ومين اللي قال السلطة والسُلطة محتاجة علشان تبقى سبايسي شوية فلفل وطبعا قوطة وخيار.. ومين اللي بيجيب وزير ويرجع يبدله علشان مظاهرة بتلاتين أو أربعين واحد ويتحجج ويقول أصل الشعب اختار.. ومين اللي بَلبل الناس وخلاهم عايشين يوم بيوم مش عارفين بكرة فيه ايه والكل عايش محتار.. فين الصح وفين الغلط ومين اللي أقنع الناس ان الفوضى وفرض المطالب بالقوة والاعتصامات هي أول المشوار.. مين اللي حول صبر الناس واستغل بساطتهم وحولنا من شعب مسامح ومسالم لناس تانية من كوكب تاني صدورها مليانة حقد ونار.. الأصابع كتير والأيادي الخفية عمالة بتلعب في الضلمة وبتخرَب في أساس البيت وبتهد علينا الدار.. اللي بيقبض من الأمريكان مين وعامل ائتلاف وعامل فيها زعيم وصاحب مبدأ وهو كان بيتمحلس للنظام القديم وقاعد مستني اشارة مع اخواته الشطار.. مين اللي خلي طرف من ذيول جيمي يبقى محلل سياسي ويكتب بيانات الميدان ومش ملاحق على برامج التوك شو ليل ونهار.. مين اللي سمى هربانة من المحاكمة اعلامية وتتكلم على النظام القديم اللي اتمرمغت في خيره وعملت نفسها قديسة وسط الكفار.. مين اللي خلي قاتل قديس وبطل رغم اعترافه وعملوا له موكب وزفة وخلاص بقى من الكبار.. مين اللي سمى حانوتي رائد مقاومة شعبية وباع له منصة في الميدان ويهاجم ويهدد منها الأشراف الأحرار.. حاجات كتير وغرائب أكتر ومسميات عجيبة غريبة على كل لون ياخيار.. ده ثوري وده نوري وده كلامنجي وده صاحب اسطوانة مشروخة وده فتوة وكرسي في الكلوب وتولع الدنيا فوضى وتنطفي الأنوار.. مين اللي سمى فلان ده اعلامي وده صاحب رؤيا وده محاور مع ان معظمهم كان للنظام القديم طبال وزمار.. مين اللي زرع في ثقافة الناس ان البلطجة وضرب الشرطة وانتقاد العسكر هو الاستقرار.. مين اللي بيصنف الناس تحرير وروكسي ومين اللي عاوز يخليها فوضى في السويس واسكندرية وكفر الدوار.. مين اللي زرع جوه قلوب الناس الغل وثقافة القصاص عمال على بطال وعاوز الدم للركب أنهار.. مين اللي صَعَد سقف المطالب بين الناس ورضعهم مطالب من غير مايهضموها في صورة بيانات وأشعار.. مين اللي بيشكك في كل انجاز وكل خطوة وواقف على الواحدة متربص زنهار.. اللي بيدق أسفين في كل اتفاق وقاعد بيتفرج وقال ايه بيشارك في الحوار.. هو مفيش غيره اللي مايتسماش اللي بيصنف الناس والألقاب ولو عرفته حتقدر تفك الشفرة والأسرار.. هو اللي مايتسماش صاحب التنويم المغناطيسي اللي سلب الناس ارادتها وخلاها تنسى الاستقرار.. هو اللي مايتسماش اللي خلى كل من هب ودب وراح الميدان يتفرج يبقى من الثوار.. !!
عرفت مين اللي مايتسماش ولا لسة حتواجه الأمور بسلبية.. لسة حتدي فرصة لناس يسحبوك من ودانك للميدان ويوشوشوا فيها ويوهموك بمبادئهم الثورية.. ولو اعترضت حيعتبروك خاين وعميل ونصير لعصر الفساد والمحسوبية.. وواحد من الفلول وأتباع العصر البائد بتاع الست والمستر جيمي مفجر قوانين داروين الوراثية.. نسيوا انك انسان بسيط مواطن مصري حر عاوز تعيش في سلام وعدل وحرية.. عاوزين يغموا عينيك ياعيني زي الجاموسة بيربطوها في ساقية المطالب اليومية.. انت حر وكله محسوب على رصيدك ومستقبلك بالساعة واليومية.. بنفس القوانين اللي بيعارضوها عاوزين يحكموك وترجع ريما لعادتها القديمة ونرجع من تاني للقهر والعبودية.. ملعون أبو الغباء على الدلاديل على كل واحد بينهش ويهد في استقرار بهية.. لازم تفوق ولازم تصحى ولازم نعيد من جديد عزيمتنا ووحدتنا وهي دي القضية.. !!
[email protected]
