كيلو زيت...!
| محمد معوض |
في حارتنا بقال مسلم قدامه بقال مسيحي الناس بيقولوا على الاتنين كويسين، كل مشكلتي معاهم كانت كيلو زيت تكلفة كيلو الزيت جنيه والبقال يحط كمان جنيه ضريبة مبيعات بقوا اتنين جنيه وكمان جنيه تبرع لجماعته الدينية بقوا تلاتة جنيه وكمان جنيه ضريبة دخل على البقال بقوا اربعة جنيه.. هي ده مشكلتي، مرتبي اربعة جنيه بقبضهم تلاتة جنيه علشان انا كمان بدفع ضريبة دخل جنيه.
رحت سألت عم محمد البقال بكام كيلو الزيت رد وقالي بأربعة جنيه قلت اروح لعم مرقص يمكن يكون عنده ارخص لكن قبل ما اوصل قابلني شيخ من المتعصبين سألني رايح فين قلت له، رد وقالي حرام لايجوز نفع ابن دينك، دورت الفتوى في دماغي والفلوس في جيبي وقلت له ماشي يامولانا، المهم رحت لعم مرقص قال لي برضه كيلو الزيت بأربعة جنيه جيت راجع تاني لعم محمد واشتريت نص كيلو بدل من كيلو.
كيلو الزيت يكفي العيال شهر، المهم الزيت خلص من بيتنا، راحت مراتي لجارتها خدوا بعض بالحضن وكأنهم اتجمعوا بعد فراق بالرغم من اهم طول النهار مع بعض، قالت مراتي لجارتها: والنبي يا اختي الاقي عندك شوية زيت لغاية السبع بتاعنا ما يرجع من شغله ويجيب لنا زيت - ملاحظة السبع هو انا - ردت جارتها: بس كده ياحبيبتي ودخلت تجيب الزيت لكن.. والمهم لكن.. قالت لمراتي احنا بنجيب كيلو زيت يكفينا الشهر هو انتم بتجيبوا زيت قد ايه في الشهر ياحبيبتي؟؟؟ سمعت مراتي كلامها واشتعلت نار الغيرة داخلها، وانتظرت طول اليوم عودة السبع وهي تهري وتنكد المهم رجعت بعد شقا يوم طويل، انت رجعت يا فالح... اجهز لك العشا ياخوي. هكذا قالت زوجتي نظرت لها طويلاً وقلت لا خلاص نفسي اتصدت عن الاكل والعيشة كلها ثم ذهبت الى القهوة.
سألت على سعر قرش حشيش لقيته غالي فطلبت واحد شاي، نظر إليّ صبي القهوة من فوق لتحت بقرف وجرى راح على معلمه وقال له: الراجل ده حسابه تقل عندنا وعايز كمان واحد شاي. كان معلم القهوة من ولاد البلد الجدعان نظر اليّ وتملى وجهي ثم قال للصبي ماشي رد الصبي ازاي يا معلم؟ فقال المعلم ده شاي يعني مياه سخنة وتفل اديه له شاي خليه يفك عن نفسه، هي الرحمة انتزعت من قلوبكم. وعندما مر عليّ المعلم وانا اشرب الشاي قال لي بنبرة ابوية صادقة منور يااستاذنا. صعبت عليّ نفسي وكادت الدمعة تفر من عيني لكن كما علمني ابي كنت ثابت وجامد في وقت الشدة، ما كنتش عارف الاقيها منين ولامنين من البقالين ولا المتعصبين اللي مش عايزين يسيبونا في حالنا ولا من مراتي ولا من جارتها واللي زاد وغطى حتى صبي القهوة كمان قرفان مني وانا الـ... ضيعت عمري وانا اذاكر واقرأ لعباس العقاد وطه حسين وتوفيق الحكيم، وكنت فاكر اني بني ادم ولي قيمة.
انتظرت حتى مضى الليل وتأكدت ان زوجتي والعيال ناموا ثم قررت العودة لانام ساعتين وهو يوم وعدى خلاص. لكن فكري كان مشغول وانا ماشي في حارتنا اخر الليل ازاي كيلو زيت تكلفته جنيه تمنه اربعة جنيه ومرتبي تلاتة جنيه؟؟ هو العيب فيّ ولا في مين؟ كنت بحسب بايديا على الهواء وانا ماشي ويظهر كنت بكلم نفسي بصوت مسموع لما افندي جدع من حارتنا وقفني وقال: حاسب لا اله الا الله، قلت: محمد رسول الله. قال لي: مالك؟ فقلت له.
قال لي بسيطة، قلت ازاي؟ قال لي نمنع جنيه التبرع بتاع الجماعات الدينية يبقى كيلو الزيت بكام قلت تلاتة قال لي نمنع ضريبة المبيعات بقي بكام قلت اتنين، قال لي نمنع ضريبة الدخل عن الغلابة بقي مرتبك كام قلت اربعة، ثم فكرت وقلت لا ده حلم مستحيل، رد قال ليه؟ انت مصري حر وصوتك في الانتخابات له قيمة، لا تعطي صوتك لاي حزب الا الحزب اللي ينفذ مطالبك، سمعت كلمات حر ولك قيمة مع صوت المؤذن ينادي لصلاة الفجر الله اكبر الله اكبر.. حي على الفلاح.. حي على العمل، وكانت شمس يوم جديد تشرق على مصر.
[email protected]
في حارتنا بقال مسلم قدامه بقال مسيحي الناس بيقولوا على الاتنين كويسين، كل مشكلتي معاهم كانت كيلو زيت تكلفة كيلو الزيت جنيه والبقال يحط كمان جنيه ضريبة مبيعات بقوا اتنين جنيه وكمان جنيه تبرع لجماعته الدينية بقوا تلاتة جنيه وكمان جنيه ضريبة دخل على البقال بقوا اربعة جنيه.. هي ده مشكلتي، مرتبي اربعة جنيه بقبضهم تلاتة جنيه علشان انا كمان بدفع ضريبة دخل جنيه.
رحت سألت عم محمد البقال بكام كيلو الزيت رد وقالي بأربعة جنيه قلت اروح لعم مرقص يمكن يكون عنده ارخص لكن قبل ما اوصل قابلني شيخ من المتعصبين سألني رايح فين قلت له، رد وقالي حرام لايجوز نفع ابن دينك، دورت الفتوى في دماغي والفلوس في جيبي وقلت له ماشي يامولانا، المهم رحت لعم مرقص قال لي برضه كيلو الزيت بأربعة جنيه جيت راجع تاني لعم محمد واشتريت نص كيلو بدل من كيلو.
كيلو الزيت يكفي العيال شهر، المهم الزيت خلص من بيتنا، راحت مراتي لجارتها خدوا بعض بالحضن وكأنهم اتجمعوا بعد فراق بالرغم من اهم طول النهار مع بعض، قالت مراتي لجارتها: والنبي يا اختي الاقي عندك شوية زيت لغاية السبع بتاعنا ما يرجع من شغله ويجيب لنا زيت - ملاحظة السبع هو انا - ردت جارتها: بس كده ياحبيبتي ودخلت تجيب الزيت لكن.. والمهم لكن.. قالت لمراتي احنا بنجيب كيلو زيت يكفينا الشهر هو انتم بتجيبوا زيت قد ايه في الشهر ياحبيبتي؟؟؟ سمعت مراتي كلامها واشتعلت نار الغيرة داخلها، وانتظرت طول اليوم عودة السبع وهي تهري وتنكد المهم رجعت بعد شقا يوم طويل، انت رجعت يا فالح... اجهز لك العشا ياخوي. هكذا قالت زوجتي نظرت لها طويلاً وقلت لا خلاص نفسي اتصدت عن الاكل والعيشة كلها ثم ذهبت الى القهوة.
سألت على سعر قرش حشيش لقيته غالي فطلبت واحد شاي، نظر إليّ صبي القهوة من فوق لتحت بقرف وجرى راح على معلمه وقال له: الراجل ده حسابه تقل عندنا وعايز كمان واحد شاي. كان معلم القهوة من ولاد البلد الجدعان نظر اليّ وتملى وجهي ثم قال للصبي ماشي رد الصبي ازاي يا معلم؟ فقال المعلم ده شاي يعني مياه سخنة وتفل اديه له شاي خليه يفك عن نفسه، هي الرحمة انتزعت من قلوبكم. وعندما مر عليّ المعلم وانا اشرب الشاي قال لي بنبرة ابوية صادقة منور يااستاذنا. صعبت عليّ نفسي وكادت الدمعة تفر من عيني لكن كما علمني ابي كنت ثابت وجامد في وقت الشدة، ما كنتش عارف الاقيها منين ولامنين من البقالين ولا المتعصبين اللي مش عايزين يسيبونا في حالنا ولا من مراتي ولا من جارتها واللي زاد وغطى حتى صبي القهوة كمان قرفان مني وانا الـ... ضيعت عمري وانا اذاكر واقرأ لعباس العقاد وطه حسين وتوفيق الحكيم، وكنت فاكر اني بني ادم ولي قيمة.
انتظرت حتى مضى الليل وتأكدت ان زوجتي والعيال ناموا ثم قررت العودة لانام ساعتين وهو يوم وعدى خلاص. لكن فكري كان مشغول وانا ماشي في حارتنا اخر الليل ازاي كيلو زيت تكلفته جنيه تمنه اربعة جنيه ومرتبي تلاتة جنيه؟؟ هو العيب فيّ ولا في مين؟ كنت بحسب بايديا على الهواء وانا ماشي ويظهر كنت بكلم نفسي بصوت مسموع لما افندي جدع من حارتنا وقفني وقال: حاسب لا اله الا الله، قلت: محمد رسول الله. قال لي: مالك؟ فقلت له.
قال لي بسيطة، قلت ازاي؟ قال لي نمنع جنيه التبرع بتاع الجماعات الدينية يبقى كيلو الزيت بكام قلت تلاتة قال لي نمنع ضريبة المبيعات بقي بكام قلت اتنين، قال لي نمنع ضريبة الدخل عن الغلابة بقي مرتبك كام قلت اربعة، ثم فكرت وقلت لا ده حلم مستحيل، رد قال ليه؟ انت مصري حر وصوتك في الانتخابات له قيمة، لا تعطي صوتك لاي حزب الا الحزب اللي ينفذ مطالبك، سمعت كلمات حر ولك قيمة مع صوت المؤذن ينادي لصلاة الفجر الله اكبر الله اكبر.. حي على الفلاح.. حي على العمل، وكانت شمس يوم جديد تشرق على مصر.
[email protected]
