يقول الجبرتي

الجبرتي رحمه الله شاعر فحل قارع فحول الشعراء وخاض غمار الملاعب حتى تمكن من التربع على قمة هرم شعر المحاورة له العديد من المحاورات والقصائد الجميلة وهذه هي احد نوادر قصائده وهي قصيدة موعظة وتشرح كثير من الاحداث الغريبة على مجتمعنا



يقـول الجبرتـي رد زيـن المثايـل

ورد المثايـل بالـحـروف تعـيـب

فكـرت فالدنيـا وفكـرت فالبشـر

وأيامـنـا وليـالـهـا تـجـريـب

زمـان يحايلنـا وحـنـا نحايـلـه

النـاس تخطـي والزمـان يصيـب

وفكرت فالشايـب وفكـرت فالولـد

ومن طال عمـره فالزمـان يشيـب

إن جيت في مجلس عرب مستوايـه

قامـوا لنـا بالـعـز والترحـيـب

وان جيت في مجلس عرب شكل ثاني

ماكـنـي الا بينـهـم غـريــب

صدت نواظرهـم وشانـت وجيهـم

وراحوا كما معـز تشـوف الذيـب

والجار ياخذ عام ما وصـل جـاره

وان دق بـابـه ماجـيـه مجـيـب

واللي يبي من عنـد ربعـه خطيبـه

قالـوا عطونـا صـورة الخطيـب

ينظر في صورتها وتنظر في صورته

عجيـب ياهـذا الزمـان عجـيـب

وان كان ولد العم أخـذ بنـت عمـه

تركهـا وبـرا للشـبـاب قـريـب

وبعض العيال إذا كبـر يتـرك أمـه

الأم تبـكـي والـولـد غضـيـب

واللـي معـه مليـون والا ثـلاثـة

جاله مـن النـاس البعيـد قريـب

مـرة يشيلونـه ومــرة يشيلـهـم

واهدافهـم مــا بينـهـم تقلـيـب

كثـرت مساجدنـا وقلـت صلاتنـا

والله علـى كـل القلـوب رقـيـب

الـرب يعلـم مـا تكـن صدورنـا

ويعلـم بخاينـه العيـون العـيـب

الـحـول والـقـوات لله ربـنــا

هـذي مشاكـل مالـهـا طبـيـب

يـارب ترحمنـا وتغفـر ذنوبـنـا

واجعل لنـا مـن رحمتـك نصيـب



شعر: محمد بن شريف الجبرتي