تحت الضلوع

مازال الرائع نايف صقر وقديمه من الشعر بروح الهمس والصوت كل ما تقرأ قصائده تجدها متجددة دائما:



صوتك وهمسك عذب وأعمالك أعمال

في مهجتي تحت الضلوع النحايف

وان زرتني ياناعس الجفن تختال

يطيح من خرص العقول النصايف

يازين ياللي عشقك ألوان وأشكال

انا عجزت أجبر عليك الوصايف

مانيب في حبك كذوب(ن) ودجال

ولاني على بعدك قليل الحسايف

ظاميك واحبك ولي منك اللال

وأبيك وأرقى في هواك النوايف

وانته تطاوع بي حسود(ن) وعذال

ماتدري انك غير كل الولايف

عندي ولك في روضة الروح منزال

والحب سوابي مثل ما انت شايف

لو اني أسلى كان ماجيت فالبال

ولو اني اقدر كان صديت عايف

والحب لو دمعة على وجنتك سال

ان كان قدرت التعب والكلايف

تروح واقفايك عن عيوني اقبال

وتعود ويذوب البرد فالشفايف

ولازال صوتك عذب وأعمالك اعمال

في مهجتي تحت الضلوع النحايف



شعر: نايف صقر