خسارة...!

تهاونت الجروح وجيت لك برضاي

عساني آشوف منك ما يراضيني

مشيت ولا ذريت ان البلا بممشاي

ياليت الدرب عيا لا يوديني**

كثير افكار كانت اسرع من اخطاي

وقليل الحظ كان اللي مخاويني

انا جيتك وماكان العقل وياي

ولو انه معي ما شافتك عيني

تناسيت العتاب وضيقي وشكواي

ابي النظرات تكفي بينك وبيني

انا وين وعيونك وين يا بلواي

اجل وشلون ابفرح وانت ناسيني؟!

تمنيتك ورحت ولمن اللي جاي

علي اللي قد تمنان يدليني

سكوتي ما هو يعني: مالي ايه راي

ما كل من هو حكي لي صار يعنيني

وانا يوم اتنازل عن بعض مبداي

عشان اللي ما هو بيدك ولا ايديني

خسارة... والخسارة عقدة الشراي

ولا تقدر يابايعني توفيني

اذا كان لي عندك قدر... بقفاي

يجيلي يوم اقدر به عدويني

واذا هي عونّ لسلومي ومرباي

يكفيني الشعر يومه ربي فيني

ياحزن الناي... ما خليت فيها ناي

بعد ماوخزه الابرة تبكيني

مشاويري تشابه... ضيقتي وبكاي

هدر راحوا وراحت اكثر سنيني

تعب حب وشقا عشق وعجز بي دواي

مع انه عارف انه ما يداويني

خلص مني الونين ولا خلص مسراي

ياليل الليل... وش باقي يسريني

صباحك يا فرح... سكر بوسط الشاي

اذا ما ذاب به... قربك تلاقيني!!





مسك الشمال