بدوي المشاعر

من هنا... لين آخر الكون، مدري وين اروح

والمدى درب التباريح... والذكرى براح

من وقفت، وكل ما بي يهدد بالنزوح

صبري اللي كنه الحيد... عن لا ماك طاح

كن صدري والهوى البيد والمهر الجموح

ما يبي ليلي، وصبح النوى ما هو رباح

ليت ياللي كنك الحلم نجمك ما يلوح

لا انت اقرب من همومي، ولو قلبي جناح

كم هم يدهل القلب عقبك ما يروح

كيف اجل ما ينشغل بك عن الغيد الملاح

لو عذرتك، واكثر اللوم للحظ الشحوح

ما عذرك الصافي الضافي الجم القراح

وش يكنه شوق هايمك وإلا وش يبوح

ليت حبك كلمة قالها لك واستراح

غايتي... وأنا بدوي المشاعر والوضوح

إن عشقت أقبلت كلي، مثل صدق الصباح

وإن كرهت وقلت ما عاد عقب الروح روح

ما تخفيت بسكوتي، ولا ارخصت السماح

ما يغيرني عذول يحسب انه نصوح

كنه يسوق الملامات بطراف الرماح

ذاك، لو هو ضامه العشق وأضنته الجروح

ما دوا وش تعني الريم لمحمد صلاح



محمد صلاح الحربي