المصري أفندي / مواطن بوثيقة مصرية...!
|د. سعيد فهمي *|
الله يكون في عون السادة اللي عن الوطن غايبين.. قاعدين هناك في الغربة ياعيني متغربين.. اللي سايبين الأهل والأصحاب ومن الحنان محرومين.. واللي باع قيراطه وجاموسته علشان يسعى في أرض الله بعد ماضاقت عليه من ولاد الذي والذين.. واللي سايب ولاده وحدهم يدرسوا ويتعلموا وهُم ليه مشتاقين.. واللي مابيلحقش يدفن أبوه أو حتى أمه ولا ياخد حتى عزاهم مسكين.. واللي هو وحظه في الغربة اما عايش مستور يا اما عايش في ذل مهين.. اللي بيسهر الليل في هَم الغربة ومشاكلها والناس نايمين.. اللي بيفكر في بكرة حيكون شكله ايه وبعد الغربة حيروح فين.. واللي بيرجع يلاقي الشارع والناس والأهل متغيرين.. واللي بيدفع ضريبته فلوس وجهد وشقا من غير ماتسمع منه شكوى أو أنين.. واللي بيعاملوا ولاده في الجامعة زي أحفاد الهكسوس الغزاه المستعمرين.. وبيعتبروهم من الفرنجة زي مواطن بوثيقة مصرية لكن محروم من أبسط حقوق المواطنين.. ياأخي الغريب بتلاقي الناس في بلدنا طبقات متصنفين.. أولهم طبعا أسيادنا اللي اللهم ما احفظنا عننا مسؤولين.. وثانيهم حبايبنا وأعمامنا السادة الهوامير أصحاب البلايين.. وثالثهم الناس اللي بتساند وتدعم المسؤول بالمال والاعلام ضد الرعايا المحكومين.. ورابعهم العامة والغلابة من سائر جموع المواطنين.. وآخرهم السادة المغلوب علي أمرهم اللي بيسموهم بعيد عنك مغتربين.. ودي كانت حدوتة السيد المغترب المهندس سماعين عبد الرضا أمين.. ياترى ايه جرالك في الغربة أخخخخخخ أسف في بلدك ياعم سماعين.. وياترى تحب تبدأ حكايتك مع ابنك اللي مفروض انه مصري منين وللا منين..!! سماعين مهندس وواحد من رعايا أم الدنيا بهية.. حاول زي غيره كتير يلاقي بعد التخرج شغل من غير واسطة أو محسوبية.. فشل مسكين بس من غير يأس حاول يلاقي أي سبوبة في القطاع الخاص أو حتى وظيفة موقتة حكومية.. أتاري الموضوع كان من المستحيلات وحاجة كدة زي الحواديت الخرافية.. سأل واستفسر وسمع أتاري الوظايف محجوزة لولاد الناس اللي بالي بالك من غير فذلكة ولا مفهومية.. أو مافيا ارمي بياضك وشخلل جيبك واحجز وظيفتك من الفجرية.. سماعين فهم الفولة وقرر يحترم نفسه وكلم خاله يشوف له عقد عمل في دولة خليجية.. وقال رب هنا هو رب هناك والرزق حسب النية.. الأيام راحت تجري والعمر معاها وسماعين مطحون في الغربة ولياليها وكان بيحسبها باليومية.. دايما مشتاق لبلده رغم قساوة قلبها عليه وسطوتها القوية.. لكن مهما حصل منها قسوتها حاجة لايمكن تمحي حبها من القلب وكله حسب القصد والنية.. المهم في وسط أزمته ربنا رزقه بالواد محمود وفوق البيعة كمان أخته صفية.. كانوا رزقته وماله ومِحتاله وأغلى حاجة عنده في الدنيا دِيّة.. صرف عليهم دم قلبه تعليم ومدارس خاصة وكمان دروس خصوصية.. لكن ولا كان بيهمه حاجة المهم محمود يكبر ويبقي زي عمه دكتور أو ضابط زي خاله في العسكرية.. كان محمود هو الأمل وهو بكرة وهو اللي عليه العين والقصد والنية.. ياااااه امتى تكبر بقى يامحمود وتاخد الثانوية..؟؟؟ وفي يوم من الأيام سمع زغاريد وهو راجع عالبيت.. أتاري محمود نجح في الثانوية ياناس وبقى حدوتة من الحواديت.. يااااه أتاري العمر جرى والواد كبر وانت ياسماعين لاخدت بالك ولا حسيت.. مبروك لمحمود وأكيد زي ماتزرع تكون حصدت زَرعتك وجَنيت..!!
سماعين راح عالسفارة ووثق كل الشهادات.. وجرى وركب الطيارة مليان بالأمنيات.. وهو في الطيارة لقي كلام في جريدة قومية في أحد المقالات.. بينادي بوضوح بمنع قبول ولاد المغتربين من دخول الجامعات.. واعتبر شهادات المغتربين بالباب الخلفي لمختلف الكليات..!!
لكن كَبر دماغه ولا اهتم بالكلام.. لكن قارن بين الغياب الجماعي للطلبة وبين الالتزام.. وكمان افتكر حرص الجميع في الغربة عالارتباط ببلدهم عن طريق العَلام.. آآآآآه ياسماعين الظاهر ابتدى مشروع اللئام..!!
سماعين نزل من المطار على مكتب التنسيق طوالي.. لقاهم وكأنهم منتظرين قدومه «أهلا بالغالي».. ياتري ابنك مواطن أصلي وللا تايواني.. سماعين استغرب من السؤال وسأل في عقله ايه اللي حصل تاني.. أتاري المواطن الأصلي بيدفع 40 جنيه في الملف والمغترب بيدفع 500 جنيه مصراني.. وكمان شهادة معادلة مجموع بـ 200 جنيه آآآآآه ياني.. سماعين نط وفط وكأن عقربة قرصته في النص التحتاني.. وقال ياترى ايه اللي قعدني في الغربة هناك وخلاني.. وليه يفرقوا بين ولادي وأخوانهم بالمصاريف بقرار غير انساني.. ياترى أبناء المغتربين ولاد البطة السودة ليه بيعاملوهم زي صاحب الوثيقة أو الهندي والباكستاني.. بالذمة لو سألوا ولادي عالانتماء بعد كده حيكون ايه احساسهم الجواني.. التفرقة بين المواطنين قرار بغيض عنصري حيواني.. الدستور بيساوي بين المواطنين عالورق لكن في الحقيقة الواقع للأسف شيء تاني.. ياترى مين اللي بيفرق بين ولادك ياسماعين وولاد جارك الحليوة المعجباني.. غلطان انت ياسماعين علشان خليت ولادك في حضنك وعلمتهم في بلاد الفرنجة بالدينار والدولار الأمريكاني..!!
لو المواطن معاه شهادة ميلاد وجواز سفر والجنسية نفسها.. لو بيتعلم ويذاكر ويجتهد علشان يرفع قدره وكمان قدرها.. لما يستحمل غربته ويدفع ضريبته من عمره وماله بالتزام في وقتها.. لما نحتاج لصوت المواطن علشان عن طَريقه نُحكم شعبها.. لما تسود العنصرية ويبقى المغترب وقت الجد غريب في أرضها.. يبقى على الدنيا السلام وتبقى الغربة أهون من عنصرية حكومتنا وظلمها.. خسران خسران ياسماعين وملعون أبو الغربة وقسوتها وذُلها..!!
said_elmasryfahmy@hotmail.com
الله يكون في عون السادة اللي عن الوطن غايبين.. قاعدين هناك في الغربة ياعيني متغربين.. اللي سايبين الأهل والأصحاب ومن الحنان محرومين.. واللي باع قيراطه وجاموسته علشان يسعى في أرض الله بعد ماضاقت عليه من ولاد الذي والذين.. واللي سايب ولاده وحدهم يدرسوا ويتعلموا وهُم ليه مشتاقين.. واللي مابيلحقش يدفن أبوه أو حتى أمه ولا ياخد حتى عزاهم مسكين.. واللي هو وحظه في الغربة اما عايش مستور يا اما عايش في ذل مهين.. اللي بيسهر الليل في هَم الغربة ومشاكلها والناس نايمين.. اللي بيفكر في بكرة حيكون شكله ايه وبعد الغربة حيروح فين.. واللي بيرجع يلاقي الشارع والناس والأهل متغيرين.. واللي بيدفع ضريبته فلوس وجهد وشقا من غير ماتسمع منه شكوى أو أنين.. واللي بيعاملوا ولاده في الجامعة زي أحفاد الهكسوس الغزاه المستعمرين.. وبيعتبروهم من الفرنجة زي مواطن بوثيقة مصرية لكن محروم من أبسط حقوق المواطنين.. ياأخي الغريب بتلاقي الناس في بلدنا طبقات متصنفين.. أولهم طبعا أسيادنا اللي اللهم ما احفظنا عننا مسؤولين.. وثانيهم حبايبنا وأعمامنا السادة الهوامير أصحاب البلايين.. وثالثهم الناس اللي بتساند وتدعم المسؤول بالمال والاعلام ضد الرعايا المحكومين.. ورابعهم العامة والغلابة من سائر جموع المواطنين.. وآخرهم السادة المغلوب علي أمرهم اللي بيسموهم بعيد عنك مغتربين.. ودي كانت حدوتة السيد المغترب المهندس سماعين عبد الرضا أمين.. ياترى ايه جرالك في الغربة أخخخخخخ أسف في بلدك ياعم سماعين.. وياترى تحب تبدأ حكايتك مع ابنك اللي مفروض انه مصري منين وللا منين..!! سماعين مهندس وواحد من رعايا أم الدنيا بهية.. حاول زي غيره كتير يلاقي بعد التخرج شغل من غير واسطة أو محسوبية.. فشل مسكين بس من غير يأس حاول يلاقي أي سبوبة في القطاع الخاص أو حتى وظيفة موقتة حكومية.. أتاري الموضوع كان من المستحيلات وحاجة كدة زي الحواديت الخرافية.. سأل واستفسر وسمع أتاري الوظايف محجوزة لولاد الناس اللي بالي بالك من غير فذلكة ولا مفهومية.. أو مافيا ارمي بياضك وشخلل جيبك واحجز وظيفتك من الفجرية.. سماعين فهم الفولة وقرر يحترم نفسه وكلم خاله يشوف له عقد عمل في دولة خليجية.. وقال رب هنا هو رب هناك والرزق حسب النية.. الأيام راحت تجري والعمر معاها وسماعين مطحون في الغربة ولياليها وكان بيحسبها باليومية.. دايما مشتاق لبلده رغم قساوة قلبها عليه وسطوتها القوية.. لكن مهما حصل منها قسوتها حاجة لايمكن تمحي حبها من القلب وكله حسب القصد والنية.. المهم في وسط أزمته ربنا رزقه بالواد محمود وفوق البيعة كمان أخته صفية.. كانوا رزقته وماله ومِحتاله وأغلى حاجة عنده في الدنيا دِيّة.. صرف عليهم دم قلبه تعليم ومدارس خاصة وكمان دروس خصوصية.. لكن ولا كان بيهمه حاجة المهم محمود يكبر ويبقي زي عمه دكتور أو ضابط زي خاله في العسكرية.. كان محمود هو الأمل وهو بكرة وهو اللي عليه العين والقصد والنية.. ياااااه امتى تكبر بقى يامحمود وتاخد الثانوية..؟؟؟ وفي يوم من الأيام سمع زغاريد وهو راجع عالبيت.. أتاري محمود نجح في الثانوية ياناس وبقى حدوتة من الحواديت.. يااااه أتاري العمر جرى والواد كبر وانت ياسماعين لاخدت بالك ولا حسيت.. مبروك لمحمود وأكيد زي ماتزرع تكون حصدت زَرعتك وجَنيت..!!
سماعين راح عالسفارة ووثق كل الشهادات.. وجرى وركب الطيارة مليان بالأمنيات.. وهو في الطيارة لقي كلام في جريدة قومية في أحد المقالات.. بينادي بوضوح بمنع قبول ولاد المغتربين من دخول الجامعات.. واعتبر شهادات المغتربين بالباب الخلفي لمختلف الكليات..!!
لكن كَبر دماغه ولا اهتم بالكلام.. لكن قارن بين الغياب الجماعي للطلبة وبين الالتزام.. وكمان افتكر حرص الجميع في الغربة عالارتباط ببلدهم عن طريق العَلام.. آآآآآه ياسماعين الظاهر ابتدى مشروع اللئام..!!
سماعين نزل من المطار على مكتب التنسيق طوالي.. لقاهم وكأنهم منتظرين قدومه «أهلا بالغالي».. ياتري ابنك مواطن أصلي وللا تايواني.. سماعين استغرب من السؤال وسأل في عقله ايه اللي حصل تاني.. أتاري المواطن الأصلي بيدفع 40 جنيه في الملف والمغترب بيدفع 500 جنيه مصراني.. وكمان شهادة معادلة مجموع بـ 200 جنيه آآآآآه ياني.. سماعين نط وفط وكأن عقربة قرصته في النص التحتاني.. وقال ياترى ايه اللي قعدني في الغربة هناك وخلاني.. وليه يفرقوا بين ولادي وأخوانهم بالمصاريف بقرار غير انساني.. ياترى أبناء المغتربين ولاد البطة السودة ليه بيعاملوهم زي صاحب الوثيقة أو الهندي والباكستاني.. بالذمة لو سألوا ولادي عالانتماء بعد كده حيكون ايه احساسهم الجواني.. التفرقة بين المواطنين قرار بغيض عنصري حيواني.. الدستور بيساوي بين المواطنين عالورق لكن في الحقيقة الواقع للأسف شيء تاني.. ياترى مين اللي بيفرق بين ولادك ياسماعين وولاد جارك الحليوة المعجباني.. غلطان انت ياسماعين علشان خليت ولادك في حضنك وعلمتهم في بلاد الفرنجة بالدينار والدولار الأمريكاني..!!
لو المواطن معاه شهادة ميلاد وجواز سفر والجنسية نفسها.. لو بيتعلم ويذاكر ويجتهد علشان يرفع قدره وكمان قدرها.. لما يستحمل غربته ويدفع ضريبته من عمره وماله بالتزام في وقتها.. لما نحتاج لصوت المواطن علشان عن طَريقه نُحكم شعبها.. لما تسود العنصرية ويبقى المغترب وقت الجد غريب في أرضها.. يبقى على الدنيا السلام وتبقى الغربة أهون من عنصرية حكومتنا وظلمها.. خسران خسران ياسماعين وملعون أبو الغربة وقسوتها وذُلها..!!
said_elmasryfahmy@hotmail.com
