عصف ريح

| شعر: محسن المحيلبي |

باب الحقايق مهما كان عصف الريح فهي تخاطب العقل وتضع الحكمة امام من يبحث عن الواقع عكس من يجامل لأجل الوصول نعم هذا النص بجماله لا ينظمه الا امثال محسن المحيلبي؟



لو سد باب الحقايق بالزمن عصف ريح

يهب ريح ٍ معاكس يفتح ابوابها

تجيه ريح الحقيقة لين معها تزيح

الزور واهله وتقلبها على اعقابها

مال السؤال الصريح الا الجواب الصريح

والا النويا عليها الستر وحجابها

لو يعجبك ياطويل العمر بعض المديح

تجّار الألسن تبيك تسدّد اتعابها

الشاعر وما يجود ابه اللسان الفصيح

ومساحة الجوخ واهل الزيف وخطابها

مثل الثعابين تعرفها بحس الفحيح

لو جاز لك لمسها موتك من انيابها

لا تامن الوقت وظروف الزمان الشحيح

اليا ضحكت دنيتك يفتر دولابها

بعض البشر لو يبين ظاهره مستريح

يكفيه من زود سقم الحال ماصابها

ولاقدّر الله ترى الرجال يمكن يطيح

وان طاح يوقف بعد مايعرف اسبابها

صفعات الايام ترشد للطريق الصحيح

بعض المصايب تسوي خير بصحابها