عامر الفالح / الشمات / غُبارْ

شعبي:

بِدا هالصَّيفْ وهُمومَهْ

وهَبَّتْ أيامْ البَوارِحْ

يَومْ صَافي

ويومْ يِلْفَحْنا سُمومَهْ

ويومْ الغْبارْ يعَمينا

وانْحَجَبْ لَيلَهْ ونُجومَهْ

آهْ يا غْبارْ البَلدْ

حَجَبْ الرُّؤْيا علينا

ما نِرَمُّقْ

وَين نُوَّابْ الشَّعَبْ

وَين أَبطالِ الـحُكومَةْ

آه يا غْبارْ البلدْ

حَجَب الِّلي يِتِمَصْلَحْ

والِّلي خَبْنَهْ في الـخُصومَهْ

آه يا غبارِ البلَدْ

حَجَبْ الرُّؤْيا علينا

ما نِمَيِّزْ بَينْ لـِحْيَة أَبو طَقَّةْ

وبين لـِحْيَةْ اِمْحَشومَةْ

ما نِفَرِّقْ

بَينْ مُخلِصْ وْبينْ بُومَةْ

آه يا غبارْ البلَدْ

عَفَسِ الدِّنْيا عَلينا

إِزْهِقَتْ كِلِّ الأوادِمْ

والِّلي يَكْفُرْ

ما نِلومَهْ





عامر الفالح

www.alshammat.com