بومشاهد ع الخط
• صباح «اللاهوب»... قصدي يسعدلي صباحك بومشاهد.
- بومشاهد: هلا بالحبيب، هلا بالمزعج عسي ماشر داق علي من صباح الله خير، شنو تشتغل خباز.
• لا والله فاضي حدي وماعندي شغل، بس كنت باخذ رايك بشغله لانى أعرفك فاهم كل شي و «جاك الدنيا»، عندي جم فلس وودي أطقطق فيها بالبورصة.
- بومشاهد: من صجك ولاتتغشمر ولا أكيد أستخفيت، الناس «متشلخه تشلخ» بالبورصة ومقوعين وخساير مايشيلها حتى البعير، وأنت راهي حدك تبي الدش ياعمي خل فلوسك بجيبك، ربعنا من كثر خسايرهم والله «يبجون» دم مع أن كل البورصات العالم مشلعة فوق إلا عندنا اللهم ياكافي، حبيبي أفتح مطعم «باجة» أحسلك من البورصة.
• الله يالدنيا صرنا طنازة بحلجك، الشرهة على اللي سألتك على بالي فاهم ويا راسك اللى جنه «همبه خايسه»
- بومشاهد: هههههاي حلوه منك، بس والله الوضع مو طبيعي بالديرة مادري شفيهم الناس محد متحمل الثاني كلش على أي زله تلقى نفسك ثاني يوم في المحكمة، صرنا أكثر ناس بالعالم نراجع المحاكم على شغلات تافه وماتسوى مثل ليش خزيتني، وليش أطق «هرن» وراى ... بل شنو هالبشر وين التسامح والطيبة.
• خلك من هالسوالف هذه قلبته علينا حزن من هالصبح صج نكدي، شفت جونا شلون مولع الحرارة واصلة 53 درجة، وجنوب أفريقيا 5 تحت الصفر ومطر وعلى كيف كيفك، ماودك «نزرق» لهم هناك هى وناسة وسياحة ونشوفلنا جم مباراة أشرايك.
- بومشاهد: أى والله أمس أشوف المباريات والمطر يرشرش عليهم، وأحنا «بنبق» من الحرارة، بس والله ضاق خلقى على البحرين ماتأهلت... لما شفت مستوى نيوزيلنده بالحظ تعادلوا مع سلوفاكيا.
• ها ماجاوبتني بتروح معاى ولا للحين تخاف من مرتك
- بومشاهد: تعرف أخوك «صنديد» مايرد عليها أصبحها بطراق وأمسيها بطراق، بس هم الواحد بيني وبينك لازم يستأذن وأقولها ويساحلها شوى.
• عزة الله ماكدينا خير.
- بومشاهد: هلا بالحبيب، هلا بالمزعج عسي ماشر داق علي من صباح الله خير، شنو تشتغل خباز.
• لا والله فاضي حدي وماعندي شغل، بس كنت باخذ رايك بشغله لانى أعرفك فاهم كل شي و «جاك الدنيا»، عندي جم فلس وودي أطقطق فيها بالبورصة.
- بومشاهد: من صجك ولاتتغشمر ولا أكيد أستخفيت، الناس «متشلخه تشلخ» بالبورصة ومقوعين وخساير مايشيلها حتى البعير، وأنت راهي حدك تبي الدش ياعمي خل فلوسك بجيبك، ربعنا من كثر خسايرهم والله «يبجون» دم مع أن كل البورصات العالم مشلعة فوق إلا عندنا اللهم ياكافي، حبيبي أفتح مطعم «باجة» أحسلك من البورصة.
• الله يالدنيا صرنا طنازة بحلجك، الشرهة على اللي سألتك على بالي فاهم ويا راسك اللى جنه «همبه خايسه»
- بومشاهد: هههههاي حلوه منك، بس والله الوضع مو طبيعي بالديرة مادري شفيهم الناس محد متحمل الثاني كلش على أي زله تلقى نفسك ثاني يوم في المحكمة، صرنا أكثر ناس بالعالم نراجع المحاكم على شغلات تافه وماتسوى مثل ليش خزيتني، وليش أطق «هرن» وراى ... بل شنو هالبشر وين التسامح والطيبة.
• خلك من هالسوالف هذه قلبته علينا حزن من هالصبح صج نكدي، شفت جونا شلون مولع الحرارة واصلة 53 درجة، وجنوب أفريقيا 5 تحت الصفر ومطر وعلى كيف كيفك، ماودك «نزرق» لهم هناك هى وناسة وسياحة ونشوفلنا جم مباراة أشرايك.
- بومشاهد: أى والله أمس أشوف المباريات والمطر يرشرش عليهم، وأحنا «بنبق» من الحرارة، بس والله ضاق خلقى على البحرين ماتأهلت... لما شفت مستوى نيوزيلنده بالحظ تعادلوا مع سلوفاكيا.
• ها ماجاوبتني بتروح معاى ولا للحين تخاف من مرتك
- بومشاهد: تعرف أخوك «صنديد» مايرد عليها أصبحها بطراق وأمسيها بطراق، بس هم الواحد بيني وبينك لازم يستأذن وأقولها ويساحلها شوى.
• عزة الله ماكدينا خير.
