صدى

تصغير
تكبير
لاباس بالابس من الـود سربـال

ياللـي بيوتـك حكمتـك فاتلتهـا

مثل الذهب ما اضعفت بيت ولامال

من الجواهر فيض عقلـك نحتهـا

ابيات عن شعر لغيرك بها انفـال

ابدعـت بأولهـا وفـي تاليتـهـا

الياس لايبعدك يـاذرب الافعـال

اتعب قدم رجلك على ما اشتهتهـا

الرجل سقها بارجا واطلب الفـال

وسعدك بأتلى خطوة قـد خطتهـا

وانا معك بالحال والراي والمـال

وارجي عسى المولى يحل اشركتها

اقطف زهر مالاق والعمر بسمـال

ولحق هوى روحك لروح رجتهـا

عب الهوى عبه على كل الاحـوال

واخلص لمن بالود عينـك بغتهـا

اشرب يابن سلوم من در الاهجال

والـروح وصلهـا لـدار دعتهـا

النفس روضهـا والايـام باقبـال

توذيك كان ان الهمـوم اسهجتهـا

وعن الكرى عيني بها ذعر واجفال

وشواطن مـن سهرهـا داعبتهـا

شواطن مابيـن نـازل ورحـال

البارحه يـوم الطـواري حدتهـا

يوم انها شافت غريبـات الامثـال

ابيات من نظـم غريـب قرتهـا

تاهت لنجم الجدي بالليـل تختـال

وسبع النعايـم كنهـا حاضنتهـا

العين هاجت واصبح القلب يجتـال

وذكرت دار قبل رجلـي وطتهـا

انشد وتلقاني مـن الحـب مكتـال

وعيني غزيرات الدموع اذرفتهـا

يجذبني الهاجوس في راس ماطال

وكم هضبه رجل العنـا مشرفتهـا





الأمير: محمد السديري
الأكثر قراءة
يومي
اسبوعي