المصري افندي / الهيبة.... والخيبة !


|د. سعيد فهمي *|
الكلام ده مش جلد للنفس ولا سلخ للذات.. ولا حدوتة قديمة وكلام سفسطة عن حادثة معينة بالذات.. ولا بحث عن أشياء كتير جوانا ضاعت في الزحمة ولا عاد عندنا النخوة ولا الجراءة للبحث في تراث الكرامة ونبش الذكريات.. لكن ليه كل المقدمة دي وإيه مناسبة الكلام اللي يوجع القلب وإيه سبب التساؤلات.. تعالى نراجع أحوالنا وساعتها فكر وحاول تفهم سبب سر هواننا على أنفسنا وعلى غيرنا من إخوة وأخوات.. وليه بنضحك على أنفسنا ونعلم ولادنا منهج التاريخ والقوميات.. ومين اللي لسه فاكر إنه كان زمان كانت لينا هيبة وعزوة وقامة عالية أعلى من قامة الأهرامات.. وكنا قدوة لغيرنا ورمز كبير ومنارة بتنور للي حواليها علم وفن حضارة وصناعة وعمارة وكل خطوة ليها بصمة وتشهد عليها الإنجازات.. فياترى ياهل ترى مين اللي فرط في الماضي وإيه اللي حيحصل لولادنا فيما هو آآآآت.. ومين اللي خلانا نستنى كل شوية رصيد المحبة عند الأخ والجار وليه اتبدل الود ووصل حتى للقتل والإهانات.. حاولت أسأل وأعرف مالقيت غير هلفطة وسفسطة وكسر نفس وزفة وطبل وصاجات.. السر مش في المحروسة السر في الاختيارات.. ربنا رزقنا بمنظومة بتعشق التسويات.. وعلشان مصالح ضيقة بتتلوى وتتحايل وتموت في السفسطة والمفاوضات.. بتلاقيها ياأخي حوالينا على الشاشة وفي الإعلام والفضائيات.. ماسكة بإيديها وأسنانها على المناصب السياسية والحزبية والرياضية وفي كل المجالات.. اللي وزير واللي غفير واللي عضو في لجنة السياسات.. واللي مذيع واللي عامل وطني ومطيع واللي مسؤول في الاتحادات.. ناس هبطت علينا من السما ولهطت كل الامتيازات.. عليهم بالعافية لكن بلاش يقولوا إنهم واجهة لأم الدنيا بلد التاريخ والحضارات.. خليهم يمثلوا أنفسهم ويسيبوهم بقى من كلام الهلس والنفاق وادعاء الوطنية والبطولات.. الخطير في الأمر إن هناك قرارات بتأثر علينا وبتطلينا بصورة مزيفة مش حقيقية.. وده كان نتيجته كوارث ومآسي كتير درامية وإنسانية.. والأخطر هو تنفيذ الأفكار من غير النظر للقاعدة الجماهيرية.. ناس تصدر قرارات مشبوهة وناس تدفع من دمها الدية.. زي النعوش اللي كانت بتطير علينا شايله ولادنا مدبوحين من الجبهة العراقية.. ولاشفنا حد اعترض ولا حصل تأثير في صفقات الأسلحة اللي كانت رايحة هناك بصورة رسمية.. يبقى إزاي حنعترض على موت ولادنا ونخسر صفقات مضمونة مية في المية.. المواطن يتعوض لكن لو الدينار راح مش حيرجع تاني والفهم حسب النية.. وشفنا كمان اللي حصل لولادنا واستثماراتنا بسبب ماتش كورة في التصفيات النهائية.. بسبب إعلاميين ولعوا الدنيا وكابروا على حساب مصداقيتنا وسمعتنا الوطنية.. وبسبب رعونة منظمين عرّضوا حياة ولادنا لمجازر وإهانات بالصوت والصورة على القنوات الفضائية.. ونظرا لحنيتنا ومشاعرنا الرقيقة العاطفية.. ولأنه ربنا ابتلانا بإعلاميين ومسؤولين عن هذا الملف معدومي الحس والنخوة الوطنية.. ونظرا لحسابات واجتهادات سياسية واقتصادية ومهلبية.. تم التغاضي عن اللي حصل لولادنا ومصالحنا مع خالص الود والتحية.. تهاون المسؤول في أي قطاع هو اللي ضيّع الهيبة وغَلوِش على القضية.. لازم يعرفوا إنهم مش هُمَ مصر ولا هُم المتحدثين بلسان الشخصية المصرية.. ولازم يتأكد الجميع إن مفيش حد حيطول هامة المحروسة ولا هُمَ دول اللي بيمثلوا شعب المحروسة بهية.. ورغم إعجابنا كمصريين بلهطة القشطة هيفاء الفنانة اللبنانية.. والست نانسي اللي عجرمت حياتنا وغيرت مفاهيمنا عن مواصفات الأنوثة الحقيقية.. ورغم زيارة السيد أبو الغيط للوقوف مع لبنان ضد التهديدات الصهيونية.. إلا إنه لم يشفع كل هذا عن حدوث جريمة بشعة دموية.. وذبح وسحل شاب قبل ثبوت إدانته بصورة غير مسبوقة همجية.. وده لأنهم كانوا متأكدين وعارفين إنه تحصيل حاصل وحتحصل شوية احتجاجات دبلوماسية.. ويرجع زيد عند عبيد وننسى الإهانة زي غيرها من غير قواعد ومبادئ أساسية.. ورغم الاعتذار الحضاري لمسؤولي الشقيقة العربية.. إلا أن هناك سؤال بريء خالص ومشفي من سوء القصد والنية.. ياترى كان حيصل ده لو كان المشتبه القتيل أحد رعايا شقيقة أخرى عربية.. أو من رعايا حلف الناتو أو عنده جرين كارد أمريكية.. تفتكر كان حيحصل كده حتى لو من تحت بند الصدفة وحسن القصد والنية.. الخلاصة أنه ومهما حدث مش حتتأثر هيبة وعظمة أم الدنيا بهية.. لأن حضارة وأصالة 7 آلاف سنة مش حتضيع بسبب أفعال صبيانية.. مصر هي عبق التاريخ وعصارته وفيها ناس قادرين يحافظوا على هيبتها وكرامتها الوطنية.. التاريخ بيقول كده وكل الشواهد تدل على إن دي حقيقة وحاجة واضحة بديهية..!!
لازم نتحد كلنا ونثبت للعالم كله إن المواطن والوطن عندنا له قدر واحترام وهيبة.. الهيبة شعار وطني وهدف ورمز من أيام أجدادنا في بلاد النوبة وطيبة.. الخلاصة التنازل عن كرامة المواطن بره وجوه أول مراتب الهوان والخيبة..!!
لازم نتحاسب من جديد من غير ماننسى اللي فات.. ولازم تكون هناك سياسة جديدة وقوانين جديدة لكل ما هو آت.. وبلاش سياسة المصالح والبيزنس والصفقات.. ولازم نفتكر إنه علشان نسينا قيمة بلادنا مواطن اندبح ومات.. إيه رأيك ننسى الموضوع وللا نشرب كأس الأخوة أونشرب من مَية النيل ونسمع سوا سلامات يا وطن سلامات..!!
Said_elmasryfahmy@hotmail.com
الكلام ده مش جلد للنفس ولا سلخ للذات.. ولا حدوتة قديمة وكلام سفسطة عن حادثة معينة بالذات.. ولا بحث عن أشياء كتير جوانا ضاعت في الزحمة ولا عاد عندنا النخوة ولا الجراءة للبحث في تراث الكرامة ونبش الذكريات.. لكن ليه كل المقدمة دي وإيه مناسبة الكلام اللي يوجع القلب وإيه سبب التساؤلات.. تعالى نراجع أحوالنا وساعتها فكر وحاول تفهم سبب سر هواننا على أنفسنا وعلى غيرنا من إخوة وأخوات.. وليه بنضحك على أنفسنا ونعلم ولادنا منهج التاريخ والقوميات.. ومين اللي لسه فاكر إنه كان زمان كانت لينا هيبة وعزوة وقامة عالية أعلى من قامة الأهرامات.. وكنا قدوة لغيرنا ورمز كبير ومنارة بتنور للي حواليها علم وفن حضارة وصناعة وعمارة وكل خطوة ليها بصمة وتشهد عليها الإنجازات.. فياترى ياهل ترى مين اللي فرط في الماضي وإيه اللي حيحصل لولادنا فيما هو آآآآت.. ومين اللي خلانا نستنى كل شوية رصيد المحبة عند الأخ والجار وليه اتبدل الود ووصل حتى للقتل والإهانات.. حاولت أسأل وأعرف مالقيت غير هلفطة وسفسطة وكسر نفس وزفة وطبل وصاجات.. السر مش في المحروسة السر في الاختيارات.. ربنا رزقنا بمنظومة بتعشق التسويات.. وعلشان مصالح ضيقة بتتلوى وتتحايل وتموت في السفسطة والمفاوضات.. بتلاقيها ياأخي حوالينا على الشاشة وفي الإعلام والفضائيات.. ماسكة بإيديها وأسنانها على المناصب السياسية والحزبية والرياضية وفي كل المجالات.. اللي وزير واللي غفير واللي عضو في لجنة السياسات.. واللي مذيع واللي عامل وطني ومطيع واللي مسؤول في الاتحادات.. ناس هبطت علينا من السما ولهطت كل الامتيازات.. عليهم بالعافية لكن بلاش يقولوا إنهم واجهة لأم الدنيا بلد التاريخ والحضارات.. خليهم يمثلوا أنفسهم ويسيبوهم بقى من كلام الهلس والنفاق وادعاء الوطنية والبطولات.. الخطير في الأمر إن هناك قرارات بتأثر علينا وبتطلينا بصورة مزيفة مش حقيقية.. وده كان نتيجته كوارث ومآسي كتير درامية وإنسانية.. والأخطر هو تنفيذ الأفكار من غير النظر للقاعدة الجماهيرية.. ناس تصدر قرارات مشبوهة وناس تدفع من دمها الدية.. زي النعوش اللي كانت بتطير علينا شايله ولادنا مدبوحين من الجبهة العراقية.. ولاشفنا حد اعترض ولا حصل تأثير في صفقات الأسلحة اللي كانت رايحة هناك بصورة رسمية.. يبقى إزاي حنعترض على موت ولادنا ونخسر صفقات مضمونة مية في المية.. المواطن يتعوض لكن لو الدينار راح مش حيرجع تاني والفهم حسب النية.. وشفنا كمان اللي حصل لولادنا واستثماراتنا بسبب ماتش كورة في التصفيات النهائية.. بسبب إعلاميين ولعوا الدنيا وكابروا على حساب مصداقيتنا وسمعتنا الوطنية.. وبسبب رعونة منظمين عرّضوا حياة ولادنا لمجازر وإهانات بالصوت والصورة على القنوات الفضائية.. ونظرا لحنيتنا ومشاعرنا الرقيقة العاطفية.. ولأنه ربنا ابتلانا بإعلاميين ومسؤولين عن هذا الملف معدومي الحس والنخوة الوطنية.. ونظرا لحسابات واجتهادات سياسية واقتصادية ومهلبية.. تم التغاضي عن اللي حصل لولادنا ومصالحنا مع خالص الود والتحية.. تهاون المسؤول في أي قطاع هو اللي ضيّع الهيبة وغَلوِش على القضية.. لازم يعرفوا إنهم مش هُمَ مصر ولا هُم المتحدثين بلسان الشخصية المصرية.. ولازم يتأكد الجميع إن مفيش حد حيطول هامة المحروسة ولا هُمَ دول اللي بيمثلوا شعب المحروسة بهية.. ورغم إعجابنا كمصريين بلهطة القشطة هيفاء الفنانة اللبنانية.. والست نانسي اللي عجرمت حياتنا وغيرت مفاهيمنا عن مواصفات الأنوثة الحقيقية.. ورغم زيارة السيد أبو الغيط للوقوف مع لبنان ضد التهديدات الصهيونية.. إلا إنه لم يشفع كل هذا عن حدوث جريمة بشعة دموية.. وذبح وسحل شاب قبل ثبوت إدانته بصورة غير مسبوقة همجية.. وده لأنهم كانوا متأكدين وعارفين إنه تحصيل حاصل وحتحصل شوية احتجاجات دبلوماسية.. ويرجع زيد عند عبيد وننسى الإهانة زي غيرها من غير قواعد ومبادئ أساسية.. ورغم الاعتذار الحضاري لمسؤولي الشقيقة العربية.. إلا أن هناك سؤال بريء خالص ومشفي من سوء القصد والنية.. ياترى كان حيصل ده لو كان المشتبه القتيل أحد رعايا شقيقة أخرى عربية.. أو من رعايا حلف الناتو أو عنده جرين كارد أمريكية.. تفتكر كان حيحصل كده حتى لو من تحت بند الصدفة وحسن القصد والنية.. الخلاصة أنه ومهما حدث مش حتتأثر هيبة وعظمة أم الدنيا بهية.. لأن حضارة وأصالة 7 آلاف سنة مش حتضيع بسبب أفعال صبيانية.. مصر هي عبق التاريخ وعصارته وفيها ناس قادرين يحافظوا على هيبتها وكرامتها الوطنية.. التاريخ بيقول كده وكل الشواهد تدل على إن دي حقيقة وحاجة واضحة بديهية..!!
لازم نتحد كلنا ونثبت للعالم كله إن المواطن والوطن عندنا له قدر واحترام وهيبة.. الهيبة شعار وطني وهدف ورمز من أيام أجدادنا في بلاد النوبة وطيبة.. الخلاصة التنازل عن كرامة المواطن بره وجوه أول مراتب الهوان والخيبة..!!
لازم نتحاسب من جديد من غير ماننسى اللي فات.. ولازم تكون هناك سياسة جديدة وقوانين جديدة لكل ما هو آت.. وبلاش سياسة المصالح والبيزنس والصفقات.. ولازم نفتكر إنه علشان نسينا قيمة بلادنا مواطن اندبح ومات.. إيه رأيك ننسى الموضوع وللا نشرب كأس الأخوة أونشرب من مَية النيل ونسمع سوا سلامات يا وطن سلامات..!!
Said_elmasryfahmy@hotmail.com