صدى / صنع الفرنسي

تصغير
تكبير
| شعر: علي العايد |



بديت باسم الله قبل ما تحاكيت

الخالق اللي بالحياة امتحنا

الواحد المعبود باسمه وسمّيت

يا رب تعطيني على ما اتمنا

من عقب ذا يا مسافر في 8 Q

متوجه صوب الخليج ووطنا

على متنها بيرق العز يا كويت

ماهيب لا جمس ولا هيب دنــّا

صنع الفرنسي قال فيها على wait

وما يخلط البيره سو إلا بجنا

لا شلعت جنحانها وأنت عليت

*دريت بـ ( نيوتن ) كذوب وتجنا

ما تشبه إلا من تجر التناهيت

عذرا دخلها العشق فيها مكنا

وسوّاقها ماهوب خبل ولا هيت

شيــخ ولد شيــخ وولدنــا ومنــّا

من صلب أبوي اللي ليا أقبل تغنيت

شوق الهنوف اللي عشانه تحنـا

يوصل سلامي لو تموت الشماميت

ســلام صادق ما يجي فيه إنــّا

عليك يا رجل عشاني تعنيت

وأرسلت لي بيتين فيها تغنا

وجيتك وأنا كلي من أقصاي لا جيت

يومي على خبرك مثل ما تمنا

يا مرحبا بك يابن طامي وحييت

وحنا على الميثاق والعهد حنا

آمر وتلقاني على ما تباغيت

تليّن الصعبات وإلك وإتسنا

ولا حدتك عسر الليالي وناديت

أبشر بعز يرفعك وإتهنا

وإلا الربع واجد ليا من توعيت

وشفت الليالي في الرخا يضحكنا

ويالله جملني ليا من تحاميت

من صوب ربعي باجتهد وآتعنا

وإختامها سلمت أيضا وصليت

على نبي موثق شرع سنــّا
الأكثر قراءة
يومي
اسبوعي