لياليك

نــايـــف جـــــزاع الحسيني



الرجل يا خذ حق ويوفي حقوق

مادام فوجيه الرياجيل ظامن

سلام ياللي المال من يدك مدفوق

لاترقد فوسط الذيابه وتامن

خل على خبري على راس شاهوق

ابيك الاول لاحكو منت ثامن

علي الشكاله والشبب منت مسبوق

لاصار بفعول النشاما تزامن

الحر لو مربوط في ساقه إسبوق

عينه على اللي بالجناحين حامن

وصدرك اليا ضاقت لياليك صندوق

خل الذي كامن عن الناس كامن

والياعرضلك فوسط الدرب مطفوق

إما تياسر عنه والا تيامن

الرجل ودك لاطلع نظرته فوق

مايقصر النظره على كل طامن

هذاك لو ثوبه من الفقر مشقوق

خصايله عن سرد الاعذار صامن

وإليا نصيته قال عرضني السوق

ماعود إلسانه على قول (مامن )

خلك على خبره على راس شاهوق

لاترقد بوسط الذيابه وتامن