موت بسمات

|دانة الظفيري|

 اول لو اني غبت عنك ثواني

تضيق واحساسك يجي حزن واهـات

نفس المكان وتحتويه الاماني

نفس الظروف ونفس جو اللقاءات

اضحك وهمي ساكنن بالمحاني

كني على همي حصدت الشهادات

دارت وصار من الجفا خط ثاني

من عقب ماكان الحكي بالاشارات

عزاه من بعد التلاقي جفاني

وأنا على خبره لو ان الزمن فات

طابت جروح الغير وأنا نصاني

جرحي وأنا اللي خابره بالعطا مات

هو مايجي يدري بي أني أعاني

لحظات وأعمار البشر موت لحظات

قربت من بعد المسافات جاني

والغير عايش كل عمره اشاعات

عجزت أرد اللي بقا من زماني

وأنا زماني لورحم قال لي هات

بعيون غيري مبتسم لالقاني

وأنا بعيني دمعتي موت بسمات

هو مايبين إلا بلحن الأغاني

يعني تموت حروفنا بالعبارات