ضعفي هواك

تخطي على... واستسمحك... وترجاك

ضعفي هواك... وفطنتك ما تخونك

المشكل اني كل... ما جيت ابنساك

فكرت نفسي كيف... ترتاح دونك

وما ظن لا هذا... ولا ذا... ولا ذاك

واللي سمعت بذكره... يعوضونك

تدري اني اعشق فيك شامل سجاياك

زينك وشينك... في قساك وليونك

واني متيم في محاسن محياك

وتعرف على وشلون... سلطة عيونك

تامر على من موقها الموت... هذاك

واطاوع امره قبل ترمش جفونك

رديت قلبي عنك لا شك... هو جاك

وجيتك معه راضي بمقبل طعونك

ارجع واقول اهواك... واهواك واهواك

وبكيفك اتعذب... ولكن بهونك