رمضانك مصراوي...!!
|بقلم د. سعيد فهمي|
رمضانك كريم... وربنا يكفيك ويكفينا شر الفاطر واللئيم... ويرحمنا جميعا برحمة الرحمن الرحيم... ويحفظنا من شر الوسواس الشيطان الرجيم... ويحمينا من حركات الحكومة والحريم...!! رمضانك لذيذ... وياريت تكون مناسبة حلوة تدوق فيها طعم الخرفان والمعيز...!! رمضانك نادي... وربنا يهون عليك ويجعل مزاجك رايق وهادي... ويهدي لينا الحكومة ويخليها تضبط الاسواق وترجع لنا اسعار الماضي... وتبقى رحيمة على المواطن وتخليه مبسوط وراضي... وتسهل الحياة على الناس وتشغل الشباب اللي قاعد عاطل وفاضي...!! المهم ومهما كنت قاعد او رايح فين... وسيان كنت غفير او وزير او مهما كنت مين... حاول وروح وشوف ارض الدنيا والدين... وانزل على مصر في رمضان واستمتع بزيارة السيدة والحسين... او اسمع الاذان في الازهر وحس بالبركة والشوق والحنين... روح وطوف وشوف الناس هناك ازاي متجمعين... تلاقيهم في المساجد وجنب اولياء الله الصالحين... وبيتمتموا بالقرآن وللايات مرددين... يا أخي بتلاقي الناس كل واحد في وادي ودايما مشغولين... زي اللي هناك حوالين المساجد واولياء الله متجمعين... واللي تلاقيهم من الصبح بدري على شغلهم رايحين... او اللي فاتحين دكاكينهم وعلى الله متوكلين... هناك بتلاقي تشكيلة جميلة من الياميش وقمر الدين... وتلاقي كل حاجة بتتمناها حتى الفوانيس بالشموع منورين... وتلاقي الصيام زي السحابة نازلة على الناس بتخليهم هاديين... وبيسلموا امرهم لخالقهم وعلى ربهم متوكلين... وهو ده حال الناس في مصر وشعبها الوافي الامين...!! تعالى وشوف معايا الحاج صلاح واقف يبيع فوانيس رمضان... وده عم عبدالله بيصنع كنافة وقطايف بحلاة زمان... والست امينة بتنادي على خضارها من الكوسة للباذنجان... واللي بينادي على الفاكهة عنب وتين ومانجة ورمان... واللي بيطربك بالصاجات عالعرقسوس وتمر هندي زي الكهرمان... وتشعر بنفسك في بانوراما جميلة وتحس انك فرحان بتعيش جو روحاني عجيب وتشعر انك انسان...!! تصدق بتحسن ان رمضان ده وكأنه صناعة مصرية... وبتعيش ايامه جميلة وكلها بركة وبالخير مطلية... وتلاقي نفسك عايش في جو تاني كل لحظاته هنية... والعمر بيجري بيك ولا انت حاسس بأي هم او مسؤولية...! تعالى وشوف موائد الرحمن وشوف الخير والبركة... والناس في كل مكان بتروح وتيجي والعالم كله حركة... واللي بيوزع عيش ولحمة واللي بيفرق خضار ومرقة...!! وتيجي ساعة الافطار تلاقي الناس متجمعين... قاعدين قبل الفطور يسبحوا الله ويصلوا على رسوله الامين... وتلاقي معتز بيزور هشام وعمر مع محمد مبسوطين... والكل بيتجمع على الافطار قاعدين وفرحانين... وتشوف بعد الفطور المساجد بتحضن المؤمنين... وفي كل حتة تلاقيها مليانة بالعابدين الساجدين...!! سبحان الله تلاقي المساجد كلها بالناس عمرانة... ومنين ما تروح مكان بتكون كاملة العدد مليانة... وصلاة التراويح بتغسل همومهم وتخليهم في غفران ربهم عشمانة...!! والدنيا هناك بتبدأ بعد التراويح على طول... اللي بيزور اهله واللي بيقابل صحابه واللي بعمله مشغول... واللي قاعد مع الصحبة بيعيدوا الذكريات والكلام والقول...!! يا اخي بتلاقي كل الشوارع مبدرة بالناس ومليانة... قاعدين عالقهاوي وماشيين في الشوارع مبسوطة وفرحانة... وناس عايشة في ملكوت تاني هايمة فيه وسرحانة... طبعا العيد عالابواب ومعاه المدارس كمان وفيه ناس كتير غلبانة... لكن بيرموا بأحمالهم على الله من غير خوف امانة...!!
سبحان الله بتلاقي الرزق والمعروف بيزيد... والكل عاوز يعمل خير كتير وله بيريد... ودي وصفة الشهر الكريم من زمن مديد... وحكمة الواحد القهار اللي كلنا له عبيد...!! المهم حاول تجري على مصر وتلحق لك يومين... روح واتمتع بالنيل وليالي رمضان والازهر والحسين... روح واستمتع بالتراويح والقيام والقرآن بالصوت الشجي الرصين...!! تعالى وحتلاقيها رايقة من غير اي حاجة تعكر دمها... وحتلاقي البسمة والضحكة على وشوش اهلها... بترحب بيك وبكل ضيف على ارضها... تعالى والحق لك يومين وحتلاقيك جوه قلبها... صدقني رمضان في الاصل مصراوي واسال الدنيا كلها... مش حتلاقي زي رمضان في مصر ولو لفيت الدنيا غربها وشرقها... ودي حكمة ربك في ارضه وهو ده نصيبها وحظها... رمضان مصراوي وده اكيد قدرها ويبختها...!!
[email protected]
رمضانك كريم... وربنا يكفيك ويكفينا شر الفاطر واللئيم... ويرحمنا جميعا برحمة الرحمن الرحيم... ويحفظنا من شر الوسواس الشيطان الرجيم... ويحمينا من حركات الحكومة والحريم...!! رمضانك لذيذ... وياريت تكون مناسبة حلوة تدوق فيها طعم الخرفان والمعيز...!! رمضانك نادي... وربنا يهون عليك ويجعل مزاجك رايق وهادي... ويهدي لينا الحكومة ويخليها تضبط الاسواق وترجع لنا اسعار الماضي... وتبقى رحيمة على المواطن وتخليه مبسوط وراضي... وتسهل الحياة على الناس وتشغل الشباب اللي قاعد عاطل وفاضي...!! المهم ومهما كنت قاعد او رايح فين... وسيان كنت غفير او وزير او مهما كنت مين... حاول وروح وشوف ارض الدنيا والدين... وانزل على مصر في رمضان واستمتع بزيارة السيدة والحسين... او اسمع الاذان في الازهر وحس بالبركة والشوق والحنين... روح وطوف وشوف الناس هناك ازاي متجمعين... تلاقيهم في المساجد وجنب اولياء الله الصالحين... وبيتمتموا بالقرآن وللايات مرددين... يا أخي بتلاقي الناس كل واحد في وادي ودايما مشغولين... زي اللي هناك حوالين المساجد واولياء الله متجمعين... واللي تلاقيهم من الصبح بدري على شغلهم رايحين... او اللي فاتحين دكاكينهم وعلى الله متوكلين... هناك بتلاقي تشكيلة جميلة من الياميش وقمر الدين... وتلاقي كل حاجة بتتمناها حتى الفوانيس بالشموع منورين... وتلاقي الصيام زي السحابة نازلة على الناس بتخليهم هاديين... وبيسلموا امرهم لخالقهم وعلى ربهم متوكلين... وهو ده حال الناس في مصر وشعبها الوافي الامين...!! تعالى وشوف معايا الحاج صلاح واقف يبيع فوانيس رمضان... وده عم عبدالله بيصنع كنافة وقطايف بحلاة زمان... والست امينة بتنادي على خضارها من الكوسة للباذنجان... واللي بينادي على الفاكهة عنب وتين ومانجة ورمان... واللي بيطربك بالصاجات عالعرقسوس وتمر هندي زي الكهرمان... وتشعر بنفسك في بانوراما جميلة وتحس انك فرحان بتعيش جو روحاني عجيب وتشعر انك انسان...!! تصدق بتحسن ان رمضان ده وكأنه صناعة مصرية... وبتعيش ايامه جميلة وكلها بركة وبالخير مطلية... وتلاقي نفسك عايش في جو تاني كل لحظاته هنية... والعمر بيجري بيك ولا انت حاسس بأي هم او مسؤولية...! تعالى وشوف موائد الرحمن وشوف الخير والبركة... والناس في كل مكان بتروح وتيجي والعالم كله حركة... واللي بيوزع عيش ولحمة واللي بيفرق خضار ومرقة...!! وتيجي ساعة الافطار تلاقي الناس متجمعين... قاعدين قبل الفطور يسبحوا الله ويصلوا على رسوله الامين... وتلاقي معتز بيزور هشام وعمر مع محمد مبسوطين... والكل بيتجمع على الافطار قاعدين وفرحانين... وتشوف بعد الفطور المساجد بتحضن المؤمنين... وفي كل حتة تلاقيها مليانة بالعابدين الساجدين...!! سبحان الله تلاقي المساجد كلها بالناس عمرانة... ومنين ما تروح مكان بتكون كاملة العدد مليانة... وصلاة التراويح بتغسل همومهم وتخليهم في غفران ربهم عشمانة...!! والدنيا هناك بتبدأ بعد التراويح على طول... اللي بيزور اهله واللي بيقابل صحابه واللي بعمله مشغول... واللي قاعد مع الصحبة بيعيدوا الذكريات والكلام والقول...!! يا اخي بتلاقي كل الشوارع مبدرة بالناس ومليانة... قاعدين عالقهاوي وماشيين في الشوارع مبسوطة وفرحانة... وناس عايشة في ملكوت تاني هايمة فيه وسرحانة... طبعا العيد عالابواب ومعاه المدارس كمان وفيه ناس كتير غلبانة... لكن بيرموا بأحمالهم على الله من غير خوف امانة...!!
سبحان الله بتلاقي الرزق والمعروف بيزيد... والكل عاوز يعمل خير كتير وله بيريد... ودي وصفة الشهر الكريم من زمن مديد... وحكمة الواحد القهار اللي كلنا له عبيد...!! المهم حاول تجري على مصر وتلحق لك يومين... روح واتمتع بالنيل وليالي رمضان والازهر والحسين... روح واستمتع بالتراويح والقيام والقرآن بالصوت الشجي الرصين...!! تعالى وحتلاقيها رايقة من غير اي حاجة تعكر دمها... وحتلاقي البسمة والضحكة على وشوش اهلها... بترحب بيك وبكل ضيف على ارضها... تعالى والحق لك يومين وحتلاقيك جوه قلبها... صدقني رمضان في الاصل مصراوي واسال الدنيا كلها... مش حتلاقي زي رمضان في مصر ولو لفيت الدنيا غربها وشرقها... ودي حكمة ربك في ارضه وهو ده نصيبها وحظها... رمضان مصراوي وده اكيد قدرها ويبختها...!!
[email protected]
