فيديو كليب
فايز الزعل وحكاية طويلة من العشق والشعر، هنا فيديو كليب لألف ليلة وليلة من الدهشة، وتحليق عال جدا في مساء وسماء الشعر.
ما فقدتك: لكن انه غيابك مهزله
لما يتكاثر شعوري.بغفله تنطفين
ليه ماقلت من اول بانك مهمله
كان والله ماهديتك انا قلب وحنين
كان كابوس يقلب منامي واخذله
وانت اجمل حلم مر ف حياتي من سنين
الزمان عيونك اللي هدتني منزله
والمكان يغور لما اشوفك تزعلين
كنت اجهل ويش يعني غرام ومن هله
لين صرت استاذ عشق لكل الحالمين
كنت ألوم اللي حكالي وألومه وازعله
يوم يقلب دفتر العشق اناظر مستهين
كنت اقول: العشق ماله رجل بالمرجله
قال: نص الكون كله تراهم عاشقين
اسئله مرت ف بالي وياهى اسئله
ناس طاحت من عيوني وكنت تكبرين
كل شي كان حولي لعينك اجهله
كنت اشك بكل شي ولكنك يقين
تذكري يوم لمحتك وكنت مقبله
ادري انك شي عادي ولكنه ثمين
شفتي وشلون الحكايه وجيتي مدلله
شفتي ان الصدفه كنز ورحت تضحكين
قمت اميز كل الاشيا وكنك بوصله
وكنت اول ما اميز يساري عن يمين
حتى اسم الورد والله شعوري بلله
جيت اعددلك اسامي وكنت تحفظين
مارغريتا اوركيديا ولوتس وامثله
وانت والله كان همك تشمي ياسمين
احترفت الرسم ياهو طموحي غربله
ارسمك لوحات وانت تجين تشخبطين
في غيابك حتى سرب الحروف استعجله
خاف ما كتب لي شطر ثم عاد تفارقين
كان موعدنا يشكل قلق: واتحمله
كنت اسولفلي: وشكلي انا الليله حزين
كنت احاتي في غيابك حضورك مسأله
التناقض حيل يوجع تجين وما تجين
ناس من حولي تسولف من اللي بهذله
كنت اسمعهم واطنش واتمتم يا معين
اتحلف بك وهين وش اللي اعمله
وكنت اطبخ في مكاني يا ليتك تظهرين
يوم غاب النور وانت تجين معدله
العطر يسبقك يمي ولا تستوعبين
لين جيتي ثم طخيت يا هى مرحله
اثر الانثى حيل تسحر وكم قاسي يلين
يا عيوني تذكرين السنين الاوله
منهو فينا كان الاول وكنت تسبقين
كنت اقول احلا احبك وكانت مذهله
لنك بمسرح حياتي عرفت تبدعين
في جهاتي رفرفت لك عصافير الوله
وكل الاغصان اتمايل اذا هب الحنين
كنا نبحر بالمراكب ولابه مشكله
غير كانت هي يدينا تجدف بالسفين
والشعور اللي حبسته ف قلبي مزهمله
لا عيون الناس تفتح هدبها وتهربين
كنت احس الغيم والشعر لي فيهم صله
لما يمطر لي حديهم ف بالي تنبتين
يا جنوني كل صعب انا مستسهله
وكل سهل استصعبه والحسد له الف عين
يعني لو مرت سنيني سراب ممحله
التفاؤل فيني غيمه وربي لي عوين
ما حسبت حساب وقتي مدامك جمله
البشر من حولي اقزام ولا حولك يدين
لا سمعت ان حاسدي في كلامه حنظله
اسمعه لني تشربت مرك يالسنين
لا تنفس اي انسان بلفظ استحمله
لأجل عينك اذن من طين واذن من عجين
والشعر يبقى فضاهم وانا جيت اسفله
لاني حر وكل حر يبي صيد ثمين
فايز الزعل
ما فقدتك: لكن انه غيابك مهزله
لما يتكاثر شعوري.بغفله تنطفين
ليه ماقلت من اول بانك مهمله
كان والله ماهديتك انا قلب وحنين
كان كابوس يقلب منامي واخذله
وانت اجمل حلم مر ف حياتي من سنين
الزمان عيونك اللي هدتني منزله
والمكان يغور لما اشوفك تزعلين
كنت اجهل ويش يعني غرام ومن هله
لين صرت استاذ عشق لكل الحالمين
كنت ألوم اللي حكالي وألومه وازعله
يوم يقلب دفتر العشق اناظر مستهين
كنت اقول: العشق ماله رجل بالمرجله
قال: نص الكون كله تراهم عاشقين
اسئله مرت ف بالي وياهى اسئله
ناس طاحت من عيوني وكنت تكبرين
كل شي كان حولي لعينك اجهله
كنت اشك بكل شي ولكنك يقين
تذكري يوم لمحتك وكنت مقبله
ادري انك شي عادي ولكنه ثمين
شفتي وشلون الحكايه وجيتي مدلله
شفتي ان الصدفه كنز ورحت تضحكين
قمت اميز كل الاشيا وكنك بوصله
وكنت اول ما اميز يساري عن يمين
حتى اسم الورد والله شعوري بلله
جيت اعددلك اسامي وكنت تحفظين
مارغريتا اوركيديا ولوتس وامثله
وانت والله كان همك تشمي ياسمين
احترفت الرسم ياهو طموحي غربله
ارسمك لوحات وانت تجين تشخبطين
في غيابك حتى سرب الحروف استعجله
خاف ما كتب لي شطر ثم عاد تفارقين
كان موعدنا يشكل قلق: واتحمله
كنت اسولفلي: وشكلي انا الليله حزين
كنت احاتي في غيابك حضورك مسأله
التناقض حيل يوجع تجين وما تجين
ناس من حولي تسولف من اللي بهذله
كنت اسمعهم واطنش واتمتم يا معين
اتحلف بك وهين وش اللي اعمله
وكنت اطبخ في مكاني يا ليتك تظهرين
يوم غاب النور وانت تجين معدله
العطر يسبقك يمي ولا تستوعبين
لين جيتي ثم طخيت يا هى مرحله
اثر الانثى حيل تسحر وكم قاسي يلين
يا عيوني تذكرين السنين الاوله
منهو فينا كان الاول وكنت تسبقين
كنت اقول احلا احبك وكانت مذهله
لنك بمسرح حياتي عرفت تبدعين
في جهاتي رفرفت لك عصافير الوله
وكل الاغصان اتمايل اذا هب الحنين
كنا نبحر بالمراكب ولابه مشكله
غير كانت هي يدينا تجدف بالسفين
والشعور اللي حبسته ف قلبي مزهمله
لا عيون الناس تفتح هدبها وتهربين
كنت احس الغيم والشعر لي فيهم صله
لما يمطر لي حديهم ف بالي تنبتين
يا جنوني كل صعب انا مستسهله
وكل سهل استصعبه والحسد له الف عين
يعني لو مرت سنيني سراب ممحله
التفاؤل فيني غيمه وربي لي عوين
ما حسبت حساب وقتي مدامك جمله
البشر من حولي اقزام ولا حولك يدين
لا سمعت ان حاسدي في كلامه حنظله
اسمعه لني تشربت مرك يالسنين
لا تنفس اي انسان بلفظ استحمله
لأجل عينك اذن من طين واذن من عجين
والشعر يبقى فضاهم وانا جيت اسفله
لاني حر وكل حر يبي صيد ثمين
فايز الزعل
