حالة أسير

ياغزال علق الوسـم فـي قلبـي وراح
يحسب إني مثل ناس تضيـع حقوقهـا
ما درى إني صاحي للهجـاد وللصبـاح
قاعد بفكري وأعرف الديـار وسوقهـا
وان بغيت أرميه رمية عداوة كان طاح
بندقي ترم المنايـا وانـا مـا بوقهـا
مير أخاف من المناقيد ياظبي المـراح
الفشق وام الفشـق قافـل صندوقهـا
حالتي حالـة أسيـر يهـدد بالسـلاح
بين عدوان يكـض الزعـل بحلوقهـا
ودي أرسله مع الطير خفـاق الجنـاح
عن عيون بالبكا مـا تكـف رموقهـا
وان هجرني مترف الروح كلش له مباح
المحبـه للمحبيـن يحـرق شوقـهـا
كل ما ذعذع من الشرق ذعذاع الرياح
أتخيـل صـورةٍ غـايـبٍ مخلوقـهـا
شعر: خلف بن هذال