غلطة

| شعر خالد بن سكران |
(غلطه) ولاني مطوّفها على الفاضـي
لا بد تاخـذ جـزاك وتعـرف حـدودك
ماكل مـرّه تفلسـف كنّـك القاضـي
تآمر وتنهى علـي وتنقـض عهـودك
ان كان حبي عطاك العذر في الماضـي
اليـوم لا والله إلا زيــد بـصـدودك
بعطيك درس وعسى بالدرس تعتاضـي
وتلاحظ أنك بدونـي فاقـدك وجـودك
بعلّمك كيـف معنـا فـن الأعراضـي
وكيف الحزن في غيابي يكثـر قيـودك
بقطع وصالك وأعدّك أتفـه أغراضـي
أبعثرك وأجمعـك ويضيـع مجهـودك
وأسهرك ليلك وقلبك حيـل مغتاضـي
وتشوف وجهك يشح وينحنـي عـودك
والله بعدها تجي تبكي علـى أنقاضـي
وتلوم نفسك ودمعـك عانـق خـدودك
وأثبت لك أني من أول عنك متغاضـي
أدمح خطاياك وأسكت وأقبـل شهـودك
يعني بكيفي أجيك وخاطـري راضـي
وإلا لـو أنـي نويتـك تذبـل أورودك
وتحس بأن (الغلا) ماهـوب ينعاضـي
وأن (الحليم) ان غضب ما همّه صدودك