باقة عطر

لـ... خالد خزيم السهلي
ليل وسحابة غيم ومعانق اطلال
واشياء في نومي... مخيفة... تمرض!
ما كنت اشوفك شي ملفت للآمال!
كنت استرك قدام حلمي واغمض
تدري وش اصعب شي فـ الحب لا صرت!
عاجز تميز بين عقلك وقلبك!
هو قال اعزك! بعدها من الفرح طرت
وشلون لو صرح بكلمة احبك!
* * *
جيتك نعم... مخنوق وابحث عن انفاس
ما عاد لي في لجة الناس... قدرة!
تدري وش اكثر شي تعشقه الاجناس
لا شافتك «تتعلم» شلون تكره!
* * *
كلنا والله بالخافي نخون!
... بس غدري! «يختلف جدا» معاك:
من وراي... تهيم مع غيري بجنون!
وانا اخبي دمع حبك من وراك!
بعض المصايب... لا غدت فيك خيره!
تعطيك من صدمه بلاها مناعة!
المجتمع حفلة تنكر كبيرة
كل بها يقدر يشكل قناعة!
* * *
حبيبتي ليلة ورى ليلة
اتخيلك واستاحش ايامي
والليل! من كثر احتياجي له
ما عادت تكفيه احلامي!
* * *
الحب في غيبتك فاقد شعور الحنان
هذا وهو حب! شوفي عاد تفسيرها!
اما انا! من عرفتك ما فقدت الامان!
لأن احاسيسي اصلا مات تأثيرها!
* * *
تدري ليه اعتبر ان النجاح اعتداء!
لنه يحسس الباقي بطعم الفشل!