اذكر الله

كل جرح من اسباب الهوى جرح رايق
حشمة للحبيب يوم رحب وهلا
جيت له عقب غيبه عاني ومتضايق
قال دوك المحبة لعن ابو من تغلا
ما غفا مثل جفني عقب ما كان فايق
بين ليل بهيم وبين نور تجلا
صمت وافطرت تو بنايفات الشهايق
كبر الخيط الابيض قبل الاسود وصلا
اذكر الله ولا احد يشبهه بالخلايق
غير خشف شدى بالروض وامه تفلا
انثنى غض لا عاقه من السو عايق
مثل غصن على شط الفرات يتدلا
كل وصف عليه اليا تمعنت لايق
ما وصفته بشي وقلت وصفي تعلا
شاقني في وصاله بالمحبين شايق
والله انه يسلي خاطر ما تسلا
كثر ماني شفوق لشوفته بالدقايق
قمت خمسه ونص وجيت له سته الا