الجهات الأربع

قلي وش اللي يزعجك في حياتك
حتى اني أبعد عنه وأروح ما جيه
من كثر شوقي جاهل في صفاتك
أخاف أبي لي شي وأضيع وأخطيه
حياك جنني وفوقه علاتك
ما عاد فيني صبر يا حلو وأخفيه
غلاك خلاني أضيع... جهاتك
بين الجهات الأربع ضايع فيه
تربكني عيونك وطلت حلاتك
والقلب متعبني وأنا عاجز أرضيه
من كثر حبك ماسك في وصاتك
أمانتك حبي بعد لا تخليه
لأجلك أحقق ما تبيه امنياتك
أحس باحساسك ووده وأداريه
عطني مثل ما اعطيك لا تحب ذاتك
يا فاقد الاحساس وشلون تعطيه