السيسي: مش هاسيب لابني جنيه

قال الرئيس عبدالفتاح السيسي، أمس، إن مصر «تواجه مخططات تخريبية تحاك في الخفاء بهدف إسقاط الدولة».
وأضاف خلال افتتاح 1300 صوبة زراعية (بيوت بلاستيكية) في نطاق قاعدة محمد نجيب العسكرية شمال غربي مصر، إن بلاده ترد على محاولات التخريب والهدم بافتتاح المزيد من المشروعات والضرب بقوة ضد الفساد.
وتابع: «يا ريت الناس تفتكر أني مش ضد حد... لا والله... أنا ضد الفوضى والإهمال واللادولة، وكل الناس في مصر أهلي وإخواتي، إنما مش هنسيب حد ياخد حاجة مش بتاعته».

وأضاف «والله العظيم أنا مش هاسيب لابني جنيه ولا لنفسي، وده معناه أنا عارف كويس أوي إن اللي بياخد حاجة من الاستيلاء وغيره (...) حرام، ولا بد من إيقاف الهدر، وعدم الانضباط».
وأشار السيسي، وهو يتحدث عن محور المحمودية المروري، حول الإسكندرية، إلى أن أحد المساجد في المدينة يعوق مشروع المحور والكوبري المقرر إنشاؤه في المنطقة، موجهاً الأجهزة الأمنية بسرعة إنهاء الأمر، ومضيفاً أن «الأراضي اللي تم الاستيلاء عليها هاخد فلوسها كاش وأي أرض تم الاستيلاء عليها مش هاسيبها لحد».
وسأل السيسي رئيس مجلس إدارة الشركة الوطنية للزراعات المحمية اللواء محمد عبدالحي محمود، عن راتبه الشهري الذي يحصل عليه، فقال إنه يأخذ 14 ألف و200 جنيه.
وتابع: «انتوا عارفين اللواء محمد عبدالحي محمود مش لو غمض عنيه... ده لو غمض شعراية من جفن عينه... يعمله كل يوم 10 و20 مليون جنيه... المشروع ده بيعمل عشرات، وقد تصل إلى مئات المليارات من الجنيهات».
ولفت السيسي إلى أنه سأل محمود «في يوم من الأيام عن مكان سكنه، فقال لي إنه يسكن في مكان بعيد عن الشغل، فقلت له أنت تسكن في مكان بعيد يعني تقطع نحو 40 كم ذهاباً و40 كم إياباً وتستخدم سيارة الجيش، والبنزين».
وتابع: «قلت له إنه يجب أن ينقل مكان سكنه بالقرب من الشركة، فقال إنه لا يملك بيتا إلا ذلك الذي يقطنه، فقلت له بعه واشتر شقة في مكان قريب من مقر العمل»، توفيراً للمصاريف على الدولة.
وأضاف: «طب حد من اللي بيسمعني يقول أديله من اللي انت بتعملوا ده... سيبله مليون ولا حاجة ولا فيلا ولا شقة كويسة يقعد فيها. أنت عارف مرتباتهم كام... أنا بقول الكلام للناس اللي بتسمعني في مصر... أوعوا تكونوا فاكرين أنا بقول الكلام ده ومعناه أن حد ياخد ويحط في جيبه... ومن أولى أنا إلى آخر واحد... جنيه واحد لا.. واللي يعمل كده ملوش مكان بينا... والله ماله مكان... مفيش كلام عن هذا التجاوز بشكل قانوني أو غير قانوني... كله كده».
وفي شأن آخر، أصدر السيسي قراراً بتعيين الفريق أسامة ربيع رئيساً لهيئة قناة السويس خلفاً للفريق مهاب مميش الذي تم تعيينه مستشاراً للرئيس للموانئ والمنافذ البحرية.
كما عين السيسي يحيى زكي رئيساً للهيئة العامة للمنطقة الاقتصادية لقناة السويس.